આરોપી ઉમેર રાય બિલ્ડીંગ મટેરીયલનો વ્યવસાય કરે છે : અન્ય લોકોના 80 લાખથી વધુ ચાઉ કર્યા હોવાની પણ ચર્ચા
(વર્તમાન પ્રવાહ વાપી બ્યુરો)
વાપી, તા.20: વાપી છીરીમાં કાર્યરત પેટ્રોલ પમ્પ ઉપર રૂા.5.35 લાખનું ડિઝલ ભરાવી ચેકો આપવામાં આવેલા, જે ચેક રિટર્ન થતા પમ્પ સંચાલકે ચણોદના ઉમેશ રાય નામના બિલ્ડીંગ મટેરીયલનો વ્યવસાય કરતા ઈસમ ઉપર ડુંગરા પોલીસમાં ફરિયાદ નોંધાવી હતી.
છીરી ખાતે કાર્યરત શ્રીજી પેટ્રોલીયમ નામના પમ્પની ચણોદમાં શિવ રેસિડેન્સીમાં રહેતો તેમજ શૌર્ય એન્ટરપ્રાઈઝ નામે બિલ્ડીંગ મટેરીયલ વ્યવસાયી ઉમેશ રાય વારંવાર ટ્રકમાં ડિઝલ ભરાવતો હતો. જેનું બિલ રૂપિયા 5.35 લાખ જેટલું થઈ ગયું હતું તેથી પમ્પ માલિક સમીર પટેલએ નાણાની ઉઘરાણી સતત કરતા રહ્યા હતા. છેવટે ઉમેશ રાયે રૂા.5 લાખનો ચેક આપ્યો હતો. જે ચેક બાઉન્સ થયો હતો. પછી બે અને અઢી લાખના બે ચેકઆપેલા તે ચેક પણ બેલેન્સ નહી હોવાથી રિટર્ન થયા હતા. તેથી સમીર પટેલે ડુંગરા પોલીસ સ્ટેશનમાં ઉમેશ રાય વિરૂધ્ધ ફરિયાદ નોંધાવી છે. પોલીસે આઈ.પી.સી. 406 અને 420 હેઠળ વધુ તપાસ હાથ ધરી છે. ઉલ્લેખનીય છે કે, ઉમેશ રાય વિરૂધ્ધ અગાઉ પણ ફરિયાદો થઈ ચૂકેલી છે. ચર્ચામાં છે કે મહાઠગ ઉમેશ રાયએ અન્ય લોકો સાથે પણ 80 લાખથી વધુ ચાઉ કર્યા છે તેથી ભોગ બનનારાઓની માંગણી ઉઠી છે કે આરોપી સામે પાસાની કાર્યવાહી કરવામાં આવે.
