(વર્તમાન પ્રવાહ ન્યુઝ નેટવર્ક)
દમણ, તા.31: રાજ્ય કાનૂની સેવા સત્તા મંડળ,દમણ દ્વારા આજે 31મી મેના રોજ ‘તમાકુ નિષેધ’ દિવસની ઉજવણી કરવામાં આવી હતી. આ દરમિયાન કોર્ટ સ્ટાફે દમણના શહેરી અને ગ્રામ્ય વિસ્તારોમાં પહોંચીને લોકોને પેમ્ફલેટનું વિતરણ કર્યું હતું અને જાગૃતિ સંદેશ ફેલાવ્યો હતો. પેમ્ફલેટના માધ્યમથી નાગરિકોને તમાકુ અને તેની બનાવટના સેવનથી થતા નુકસાન અને તેના પરિણામના બાબતે જાણકારી આપવામાં આવી હતી. સાથે નેશનલ લીગલ સર્વિસિસ ઓથોરિટી(નાલસા) કેમ્પેઈનિંગ અંતર્ગત ટોલ ફ્રી નંબર 15100 વિશે પણ લોકોને માહિતી આપવામાં આવી હતી.
