બે દિવસ પહેલાં પણ ખાડો પડયો હતોઃ રોડની આવરદા અને પુલની ફીટનેસ અંગે ઉભા થયેલા સવાલો ત્રણ પૈકી એક લાઈન બંધ કરાતા ટ્રાફીક જામ
(વર્તમાન પ્રવાહ વાપી બ્યુરો)
વાપી, તા.01: વાપી નેશનલ હાઈવે દમણગંગા નદીના પુલ ઉપરના રોડમાં આજે ફરીવાર ખાડો પડતા તંત્ર દોડતું થઈ ગયું હતું.
વાપી હાઈવે દમણગંગા નદી પુલના રોડ ઉપર બે દિવસ પહેલા ખાડો પડયો હતો. પુલના સળીયા ઉઘાડા થયા હતા તેનું રિપેરીંગ કામ જે તે સમયે પતાવવામાં આવ્યું હતું. ત્યાં આજે સોમવારે ફરી પુલના રોડ ઉપર બીજો ખાડો પડતા તંત્રની દોડધામ વધી ગઈ હતી. જો કે તાત્કાલિક ધોરણે ખાડાનું સમારકામ હાઈવે ઓથોરિટીએ કરાવી દીધું હતું. પરંતુ વારંવાર પુલ ઉપર જ ખાડા પડી રહ્યા છે ત્યારે સવાલ યા નિશાન એ ઉભા થાય છે કે પુલની આવરદા કેવી હશે. શું પુલનીફીટનેશ અંગે પણ ગંભીર સવાલ ખાડા પડવાની બે ઘટનાઓ થકી ઉભા થઈ રહ્યા છે.
આજે પણ ફરી હાઈવે સમારકામની કામગીરી હાથ ધરાઈ હતી તે દરમિયાન ત્રણ લાઈન પૈકી એક લાઈન બંધ કરવામાં આવતા હાઈવે ઉપર ટ્રાફિક જામ થઈ ગયો હતો.
