(વર્તમાન પ્રવાહ ન્યુઝ નેટવર્ક)
વલસાડ, તા.30: સમગ્ર શિક્ષા ગુજરાત રાજ્ય, ગાંધીનગરના આયોજન હેઠળ સમગ્ર શિક્ષા વલસાડ આઈ.ઈ.ડી. યુનિટ અંતર્ગત તા.27/8/2024 થી 29/8/2024 ત્રણ દિવસ સુધી બી.આર.સી ભવન ધરમપુર, વાપી અને વલસાડ ખાતે સરકારી પ્રાથમિક માધ્યમિક શાળામાં અભ્યાસ કરતા દિવ્યાંગ વિદ્યાર્થીઓ માટે જિલ્લા પ્રાથમિક શિક્ષણાધિકારી ડી.બી.વસાવાના માર્ગદર્શન અને નાયબ જિલ્લા પ્રાથમિક શિક્ષણાધિકારી ડો.અર્જુનભાઈ પટેલની ઉપસ્થિતિમાં સાધન સહાય વિતરણ કેમ્પનું આયોજન કરવામાં આવ્યુંહતું.જેમાં 292 જેટલા વિદ્યાર્થીઓને તેમની જરૂરિયાતને ધ્યાને લઈ ADL KIT, TLM KIT, વ્હીલચેર, સી.પી ચેર, કેલીપર્સ, રોલેટર, સ્માર્ટકેન, હિયરીંગ એઈડ જેવા વિવિધ સાધનો અંદાજીત રૂા. 25,64,000 ના સાધનોનું વિતરણ કરવામાં આવ્યું હતું. જિલ્લા આઈઈડી કો.ઓ, તમામ તાલુકાના બી.આર.સી કો-ઓર્ડિનેટર તથા સ્પેશિયલ એજ્યુકેટર અને ટીચર દ્વારા કાર્યક્રમને સફળ બનાવામાં આવ્યો હતો.
