જય રવિ પંડારામ, રોકી ઉર્ફે સંતોષ ક્રિષ્ણા શાહ, વિયુષ પ્રતાપસીંગની પોલીસે ધરપકડ કરી રૂા.1.18 લાખનો મુદ્દામાલ કબજે લીધો
(વર્તમાન પ્રવાહ વાપી બ્યુરો)
વાપી, તા.15: વાપી વિસ્તારમાં મોબાઈલ સ્નેચીંગના વધી રહેલા બનાવોને ધ્યાને લઈને ટાઉન અને જીઆઈડીસી પોલીસ એલર્ટ પર હતી તે દરમિયાન પોલીસને મળેલી બાતમી આધારે જીઆઈડીસી મોરારજી સર્કલ પાસેથી ત્રણ મોબાઈલ સ્નેચીંગને પોલીસે રૂા.1.18 લાખના મુદ્દામાલ સાથે ઝડપી પાડયા હતા.
મોરારજી સર્કલથી ઝડપાયેલા મોબાઈલ સ્નેચરોમાં જય રવિ પંડારામ ઉ.વ.24 રહે.છીરી રણછોડ નગર, મૂળચેન્નઈ, રોકી ઉર્ફે ક્રિષ્ણાકુમાર શાહ રહે.રણછોડ નગર છીરી, હનુમાન મંદિર પાસે, ત્રીજો પિયુષ પ્રતાપ સિંગ રહે.છીરી રણછોડનગરનો સમાવેશ થાય છે. પોલીસે અંગજડતી કરી ત્રણ મોબાઈલ કિંમત રૂા.36 હજાર તથા મોટર સાયકલ નં.જીજે 15 ઈજી 4990 મળી કુલ રૂા.1.18 લાખનો મુદ્દામાલ પોલીસે જપ્ત કર્યો હતો. આરોપીઓ મોટર સાયકલના પેપર સુધ્ધા રજૂ કરી શક્યા નહોતા. ત્રણેયની અટક કરી પોલીસે જેલ ભેગા કર્યા હતા. આ કામગીરી પોસઈ ડી.કે. ત્રિપાઠી, પો.કો. હરીશ કમરૂલ, એલ.આર. પો.કો. કુલદિપ સિંહ, કિશોર ભવાનભાઈ, જયધિર સિંહ તથા હરેશ મંગાભાઈએ સુપેરે પાર પાડી હતી.
