(વર્તમાન પ્રવાહ ન્યુઝ નેટવર્ક)
પારડી, તા.25: કન્ટેનર નંબર જીજે 15 એવી 2176નો ચાલક સંતોષ લાછન ગોળ રહે.ઉમરગામ બુધવારના રોજ સુરતથી કન્ટેનર લઈ ઉમરગામ જવા માટે નીકળ્યો હતો ત્યારે વહેલી સવારે 06:30 વાગ્યાની આસપાસ પારડી નેશનલ હાઇવે નંબર 48 પર આવેલા રોહિત ખાડી પુલ પાસે કન્ટેનર ચાલકે કાબુ ગુમાવ્યો હતો. કન્ટેનર ખાડીના પુલના વચ્ચે આવેલા ખાડામાં ખાબકી ગયું હતું. અને જે બાદ પુલ નીચે પટકાતા કન્ટેનર માંડ માંડ બચ્યું હતું. અકસ્માત બાદ ચાલક ભારે જહેમતે જીવ જોખમે કેબિનમાંથી બહાર નીકળવામાં સફળ રહ્યો હતો. આ અકસ્માતની જાણ થતા પારડી પોલીસ ઘટના સ્થળે પહોંચીગઈ હતી અને ઘટના સ્થળે બે થી વધુ ક્રેન મંગાવી અકસ્માત થયેલા કન્ટેનરને બહાર કાઢવાની કામગીરી હાથ ધરી હતી.
