ગ્રીનપાર્કભાગડાવાડાથી 15 વર્ષનો કિશોર તથા રાખોડીયા તળાવથી ચાર વર્ષની ઉંમરના બે બાળકો ગુમ થયા હતા
(વર્તમાન પ્રવાહ વાપી બ્યુરો)
વાપી, તા.01: વલસાડ પોલીસે તાજેતરમાં ગુમ થયેલા ત્રણ બાળકોને શોધી કાઢી માતા-પિતા સાથે મેળાપ કરાવાની ઉમદા કામગીરી ભજવી હતી.
વલાસડ સિટી પો.સ્ટે.ના ગ્રીનપાર્ક જન્નતનગર ભાગડાવાડાથી 15 વર્ષનો કિશોર ઘરેથી કોઈને કહ્યા વગર ક્યાંક ચાલી ગયો હતો. પોલીસને અપાયેલ જાણ કારી બાદ પોલીસે સી.સી.ટી.વી. ફૂટેજ અને હ્યુમન સોર્સને આધારે જાણવા મળેલ કે કિશોર સુરત ગયો છે. પોલીસની ટીમ સુરત પહોંચીને કિશોરને શોધી આપી માતા પિતાને સુપરત કર્યા હતા. બીજા એક બનાવમાં વલસાડ રાખોડીયા તળાવ શહીદ ચોકથી ચાર-પાંચ વર્ષના બે બાળકો ગુમ થયા હતા. બાળકોના ફોટા આધારે બન્ને બાળકોને સિટી પોલીસે શોધીને માતાપિતા સાથે મેળાપ કરાવીને પ્રશંસનીય કામગીરી બન્ને બનાવમાં કરી હતી. પોલીસે મિશન મિલાપ સફળ બનાવ્યું હતું.
