ફોરેસ્ટ વિભાગ અને ગ્રામજનોએ રેસ્ક્યુ કરીને જહેમત બાદ ઉગારી
(વર્તમાન પ્રવાહ વાપી બ્યુરો)
વાપી, તા.01: વલસાડ જિલ્લાના અંતરિયાળ વિસ્તારમાં ખાસ કરીને કપરાડા ધરમપુરના જંગલો વચ્ચે વસતા ગામોમાં દિપડાઓ અવાર નવાર ઘૂસી જતા હોય છે તેવી વધુ એક ઘટના આજે મંગળવારે બની હતી. ધરમપુરના પંગારપાડી ફોરેસ્ટ વિસ્તારમાં આવેલ ખડકીમધુરી ગામમાં શિકારની શોધમાં કદાવર દિપડી આવી ચઢી હતી. મરઘાના શિકાર કરવા દોડેલી દિપડી અચાનક કુવામાં ખાબકી ગઈ હતી. ઘટનાની જાણ ગ્રામજનોને થઈ હતી તેથી વન વિભાગને જાણ કરવામાં આવી હતી. વન વિભાગના સ્ટાફ અને ગ્રામજનોએ રેસ્ક્યુ ઓપરેશન હાથ ધર્યું હતું. બે કલાકની જહેમત બાદ કદાવર દિપડીને કુવામાં બહાર કાઢીને પાંજરામાં પુરવામાં આવી હતી. પાંજરાને જંગલમાં લઈ જઈને દિપડીને છોડી મુકવાની તજવીજ વન વિભાગે હાથ ધરી હતી.
