(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.08: મજીગામના રાજુમામાં દ્વારા છેલ્લા ઘણા વર્ષથી ચીખલીમાં શ્રીજી નવરાત્રી મહોત્સવ સફળતાપૂર્વક યોજવામાં આવી રહ્યો છે. હાલે મજીગામના વેલકમ પાર્ટી પ્લોટમાં વિશાળ લીલાછમ મેદાનમાં સુર સાગર ઓરકેસ્ટ્રા સાથે સુપ્રસિધ્ધ ગાયક મુકેશ પાલણના કંઠના જાદુ સાથે હજ્જારોની સંખ્યામાં યુવાધન મોડી રાત સુધી ગરબાની રમઝટ માણી રહ્યું છે. આ દરમ્યાન મીડિયા કર્મી અને જિલ્લા ભાજપ કિસાન મોરચાના હોદ્દેદાર દિપકભાઈ સોલંકી ઉપરાંત જ્યોતિન્દ્રભાઈ છોવાલા, ચીખલી તાલુકા પ્રેસ કલબના પ્રમુખ ધર્મેશભાઈ પટેલ તથા મયુરભાઈ દેસાઈ, રુષ્યંત શર્મા, સ્નેહલ પટેલ, તરંગ નાયક સહિતના મીડિયા કર્મીઓએ આદ્યશક્તિ માઁ અંબાની આરતીમાં ભાગ લઈ માતાજીની પૂજા-અર્ચના કરી દર્શન કર્યા હતા. આ દરમ્યાન મુખ્ય આયોજક મજીગામના રાજુમામા તથા ભાજપના બક્ષીપંચ મોરચામાં જિલ્લાના ઉપપ્રમુખ સંજયભાઈ સમરોલી ઉપરાંત દિગ્નેશભાઈ, દિપક કાકુ, જીગાભાઈ, અશોકભાઈ, મીરા ફાર્મના મુકેશભાઈ સહિતના સાથીઓ દ્વારા મીડિયાકર્મીઓનું સન્માન કરવામાં આવ્યું હતું.
આ દરમ્યાન પત્રકાર દીપકભાઈ સોલંકીએ વર્ષોથી શ્રી જીનવરાત્રીના સફળ આયોજન માટે રાજુમામા સહિત અને સુપ્રસિધ્ધ ગાયક મુકેશભાઈ સહિતની ટીમને અભિનંદન પાઠવ્યા હતા.
