(વર્તમાન પ્રવાહ ન્યુઝ નેટવર્ક)
વલસાડ, તા.08: વડાપ્રધાન શ્રી નરેન્દ્રભાઈ મોદીના સફળ અને સક્ષમ નેતૃત્વના 23 વર્ષ પૂર્ણ થવાના અવસર નિમિત્તે રાજ્ય સરકાર દ્વારા થઈ રહેલી વિકાસ સપ્તાહની ઉજવણીના સંદર્ભમાં વલસાડ જિલ્લા કલેક્ટર કચેરીખાતે કલેકટરશ્રી નૈમેષ દવે સહિતના અધિકારીઓ અને કર્મયોગીઓએ વડાપ્રધાનશ્રીના વિકસિત ભારતના સપનાને સાકાર કરવા માટે સમર્પિત ભાવથી ‘‘ભારત વિકાસ પ્રતિજ્ઞા” લીધી હતી.
વલસાડ જિલ્લા પંચાયત ખાતે પણ જિલ્લા વિકાસ અધિકારીશ્રી અતિરાગ ચપલોત અને જિલ્લા પોલીસ અધિક્ષકશ્રીની કચેરી ખાતે જિલ્લા પોલીસવડાશ્રી ડો.કરણરાજ વાઘેલાના અધ્યક્ષસ્થાને તમામ અધિકારીઓ અને કર્મચારીઓ દ્વારા ભારત વિકાસ પ્રતિજ્ઞા લેવામાં આવી હતી. જિલ્લા અને તાલુકાની તમામ કચેરીમાં ફરજ બજાવતા અધિકારીશ્રીઓ અને કર્મયોગીશ્રીઓએ ભારત વિકાસ પ્રતિજ્ઞા લીધી હતી. આ કાર્યક્રમમાં તમામ અધિકારીશ્રીઓ અને કર્મચારીશ્રીઓ સહિત જિલ્લા તથા તાલુકાના નાગરિકો ઉત્સાહભેર જોડાયા હતા.
આ પ્રસંગે નિવાસી અધિક કલેકટર શ્રીમતી અનસૂયા જહા, જિલ્લા નાયબ ચૂંટણી અધિકારી ઉમેશ શાહ, જિલ્લા આયોજન અધિકારી બી.સી.પટેલ, વલસાડ પ્રાંત અધિકારી આસ્થા સોલંકી, નાયબ માહિતી નિયામક સુશ્રી ભાવના વસાવા, ડિઝાસ્ટર મામલતદાર નફીસા શેખ સહિત અધિકારી, કર્મચારીઓ ઉપસ્થિત રહ્યા હતા.