(વર્તમાન પ્રવાહ વાપી બ્યુરો)
વાપી, તા.09: વાપી સૌરાષ્ટ્ર લેઉવા પટેલ સમાજ દ્વારા છેલ્લા 6 વર્ષથી સમાજના પરિવારો માટે નવરાત્રીનું ભવ્ય આયોજન કરવામાં આવે છે.
વાપી સૌરાષ્ટ્ર લેઉવા પટેલ સમાજ ભવન હરિયા હોસ્પિટલ રોડ ખાતે સમાજના યુવાનો દ્વારા ભવ્ય આયોજન કરવામાં આવ્યું છે. પારંપારિક વેશભૂષામાં સમાજના યુવાનો, વડીલો, માતા, બહેનો મોટી સંખ્યામાં ગરબે રમવા આવે છે. એકદમ પારંપારિક માહોલમાં તેમજ કોઈપણ ફિલ્મી ગીત કે વલ્ગારીટીવાળાસોંગ વગાડવામાં આવતા નથી. માત્ર માતાજીના જ ગરબા વગાડવામાં આવે છે. તેમજ સમાજના દરેક પરિવારોને ફ્રી એન્ટ્રી આપવામાં આવે છે. તેમજ સમાજના મોભીઓ દ્વારા રોજેરોજ અવનવા નાસ્તાઓ પણ ખેલૈયાઓ માટે રાખવામાં આવ્યા છે. આ રીતે સૌરાષ્ટ્ર લેઉવા પટેલ સમાજ ખાતે ભવ્યાતિભવ્ય નવરાત્રિ મહોત્સવ-2024નું આયોજન કરવામાં આવ્યું છે.
