(વર્તમાન પ્રવાહ ન્યુઝ નેટવર્ક)
દીવ, તા.31: કેન્દ્રશાસિત પ્રદેશ દીવમાં દર વર્ષે જલારામ જયંતિ નિમિત્તે ઠેર ઠેર ઉજવણી કરવામાંઆવે છે, ગત રાત્રે દીવના પટેલવાડી ખાતે આવેલ જલારામ મંદિર ખાતે જલારામ જયંતિની ભવ્ય ઉજવણી થઈ, રાત્રે જલારામ બાપાના જન્મ દિવસ નિમિત્તે પટેલ વાડી ગામના જલારામ ભક્તોએ કેક કાપ્યુ અને બાળકો તથા ઉપસ્થિત લોકોને પ્રસાદી આપી હતી, સાથે 1108 દિપમાળા કરી, ભજન કિર્તન તથા પૂજાનું આયોજન કર્યું હતું, આ પ્રસંગે ભવ્ય આતશબાજી કરી જલારામ ભક્તોએ જન્મ દિવસ ઉજવ્યો હતો, તથા મંદિરને તથા આસપાસ ખૂબ જ મનમોહક સજાવટ કરી હતી. આજરોજ બપોરે પણ મહા પ્રસાદનું આયોજન કરવામાં આવ્યું હતું. આ રીતે રાત્રે જલારામ બાપાના જન્મદિવસની ખૂબજ ભવ્ય ઉજવણી કરાઈ હતી.
