કેન્દ્રીય રેલવે, સંચાર, ઈલેક્ટ્રોનિક્સ તથા અને માહિતી ટેક્નોલોજી મંત્રી અશ્વિની વૈષ્ણવને દમણ જિલ્લા પંચાયત પ્રમુખ બાબુભાઈ પટેલે કરેલી રજૂઆત
(વર્તમાન પ્રવાહ ન્યુઝ નેટવર્ક)
દમણ, તા.05
દમણ જિલ્લા પંચાયતનાંપ્રમુખ શ્રી બાબુભાઈ પટેલે આધાર-કાર્ડ બનાવાનો ફૉર્મમાં જિલ્લા પંચાયત સભ્યો પણ નાગરિકોનાં વેરિફિકેશન કરી શકે એમ લખવા માંગણી કરી છે.
કેન્દ્રીય રેલવે, સંચાર, ઈલેક્ટ્રોનિક્સ તથા અને માહિતી ટેક્નોલોજી મંત્રી શ્રી અશ્વિની વૈષ્ણવને સેલવાસ મુલાકાત દરમિયાન આપેલ પત્રમાં જિલ્લા પંચાયત પ્રમુખ શ્રી બાબૂભાઈ પટેલે જણાવ્યું હતું કે, નાગરિક રાષ્ટ્રીય ઓળખ-પત્ર એટલે આધાર-કાર્ડ બનાવાનો ફૉર્મમાં નગરપાલિકા સભ્યો અને ગ્રામ પંચાયતોનાં સરપંચો આવેદકોનાં વેરિફિકેશન કરે છે. એવું આધાર-કાર્ડનાં ફૉર્મમાં પણ છાપેલું છે પણ આ ફૉર્મમાં નાગરિકોનાં વેરિફિકેશન અંગે જિલ્લા પંચાયતનાં પ્રમુખ અને જિલ્લા પંચાયતના સભ્યોના નામોનો ઉલ્લેખ જ નથી.
નગરપાલિકા સભ્યો અને સરપંચોની જેમ જિલ્લા પંચાયતનાં પ્રમુખ અને જિલ્લા પંચાયત સભ્યોના નામ પણ આધાર-કાર્ડનાં ફૉર્મમાં નાગરિકોનું વેરિફિકેશન કરવાની જોગવાઈ કરવી જોઈએ. આમ કરવાથી ગ્રામીણ નાગરિકોને પણ વેરિફિકેશન કરાવવાનો બીજો વિકલ્પ મળશે. જેથી નાગરિકોની ઊર્જા, સમય અને પૈસાની વચત થશે.
શ્રી બાબુભાઈ પટેલે મંત્રીશ્રીને એ રજૂઆત કરી હતી હતી કે ભારતીય વિશિષ્ટ ઓળખ પ્રાધિકરણ, નવી દિલ્હી અથવા યોગ્ય સ્થળે પહોંચાડીને જરૂરી નિર્દેશ આપીનિકાલ કરવા અંગે વિનંતી કરી છે.
