(વર્તમાન પ્રવાહ ન્યુઝનેટવર્ક)
દમણ,તા.22: ભાજપ કડૈયા મંડળના પ્રમુખ શ્રી જતીન પટેલ દ્વારા આજે મહિલા આરોગ્ય શિબિરનું આયોજન કરવામાં આવ્યું હતું. આ પ્રસંગે ડો.ભક્તિ જોગ દ્વારા નિઃશુલ્ક આરોગ્યની તપાસ કરી સારવાર માટેની સલાહ આપવામાં આવી હતી. જોગ હોસ્પિટલમાં સવારે 10 થી 1 વાગ્યા સુધી શિબિરનું આયોજન કરવામાં આવ્યું હતું. જેમાં મહિલાઓએ લાભ લીધો હતો. આ પ્રસંગે દમણ જિલ્લા ભાજપ પ્રમુખ શ્રી અસ્પી દમણીયા, જિલ્લા મંત્રી શ્રી કિરીટ ભાઈ દમણીયા, દમણ જિલ્લા પંચાયત ઉપ પ્રમુખ શ્રીમતી મૈત્રી પટેલ, દમણ જિલ્લા પંચાયત સભ્ય શ્રીમતી સિમ્પલ પટેલ, ઘેલવાડ મંડળના પ્રમુખ શ્રી અમ્રતભાઈ પટેલ, સેવા સપ્તાહ સહ કન્વીનર રૂકમણી ભાનુશાલી, સોમનાથ મંડળના પ્રમુખ શ્રી અનિલ પટેલ સહિત આગેવાનો અને લાભાર્થી બહેનો ઉપસ્થિત રહ્યા હતા.