અનંતભાઈ પટેલે પ્રમુખ દિનેશભાઈ પટેલ, પ્રદેશ મહામંત્રી મિલનભાઈ દેસાઈ અને અગ્રણી ગૌરાંગભાઈ પંડ્યાની આગેવાની હેઠળ હજારો યુવા કાર્યકર્તા અને સમર્થકોએ આનંદ અને ઉત્સાહ સાથે કોંગ્રેસ કાર્યાલયથી કલેકટર કચેરી સુધી વિશાળ રેલી યોજી વિજયના વિશ્વાસ સાથે રજૂ કરેલુ નામાંકન પત્રક
(વર્તમાન પ્રવાહ ન્યુઝ: નેટવર્ક)
સરીગામ, તા.16
વલસાડ ડાંગ લોકસભા બેઠકના કોંગ્રેસના ઉમેદવાર શ્રી અનંતભાઈ પટેલે આજરોજ પોતાના અને પક્ષના હજારો કાર્યકર્તા અને સમર્થકો સાથે ઉમેદવારી પત્રક રજૂ કર્યું હતું. શ્રી અનંતભાઈ પટેલ અન્યાય સામે ન્યાય માટે લડાઈ ચલાવવામાં લડાયક નેતા હોવાના કારણે મતદારોમાં લોકપ્રિય નેતા તરીકેની છબીધરાવે છે. આજરોજ કલેકટર કચેરી ખાતે ઉમેદવારી પત્રક રજૂ કરવા પહેલા એમની કાર્યકર્તાઓની વિશાળ ટીમ સાથે કોંગ્રેસ કાર્યાલયથી વિશાળ રેલીનું આયોજન કરી એમની લોકપ્રિયતાનું પ્રતિબિંબ રજૂ કર્યું હતું. આ રેલીમાં આનંદ અને ઉત્સાહ સાથે ગાજતે વાજતે મોટી સંખ્યામાં કાર્યકર્તા અને ટેકોદારો જોડાયા હતા. ઉમેદવારી પત્રક રજૂ કરવા પહેલાં વિશાળ જનમેદનીને સંબોધતા એમણે લડાયક મિજાજમાં કાર્યકર્તા અને સમર્થકોનો હોસલો બુલંદ કર્યો હતો. અને પ્રજાના દરેક કામોમાં મદદરૂપ થવાની ખાતરી આપી હતી.
આ રેલીમાં કોંગ્રેસના પ્રમુખ શ્રી દિનેશભાઈ પટેલ અને મહામંત્રીશ્રી મિલનભાઈ દેસાઈ તેમજ અગ્રણી શ્રી ગૌરાંગભાઈ પંડ્યા સહિત જિલ્લા અને તાલુકા કક્ષાના કાર્યકર્તા સહિત મોટી સંખ્યામાં યુવાનોની ઉપસ્થિતિ જોવા મળી હતી.
