(વર્તમાન પ્રવાહ ન્યુઝ નેટવર્ક)
સેલવાસ, તા.13
લોકસભાની દાદરા નગર હવેલી બેઠકની પેટા ચૂંટણીમાં આજે ઉમેદવારી પત્રક ખેંચવાના અંતિમ દિવસે 4 ઉમેદવારો મેદાનમાં રહ્યા છે. જેમાં ભાજપના ગાવિત મહેશભાઈ ચીમનભાઈ, કોંગ્રેસના ધોડી મહેશભાઈ બાલુભાઈ, ભારતીય ટ્રાયબલ પાર્ટીના ગણેશ ભુજાડા અને શિવસેનાના ડેલકર કલાબેનનો સમાવેશ થાય છે.
લોકસભાની દાદરા નગર હવેલી બેઠકની પેટા ચૂંટણીમાં શિવસેનાના સત્તાવાર પ્રતિક તીરકામઠાની ફાળવણી ચૂંટણી પંચ દ્વારા નહીં કરાતા આ બેઠક માટે પ્રથમ ગ્રાસે મક્ષિકા જેવો ઘાટ થવા પામ્યો હોવાનું રાજકીય નિરીક્ષકો માની રહ્યા છે. શિવસેનાને બલ્લેબાજનું પ્રતિક ફાળવવામાં આવ્યું છે.
પ્રાપ્ત માહિતી પ્રમાણે દાદરા નગર હવેલી બેઠકની પેટા ચૂંટણીમાં 4 ઉમેદવારો મેદાનમાં હોવા છતાં સીધી સ્પર્ધા ભાજપના ગાવિત મહેશભાઈ ચીમનભાઈ અને ડેલકર કલાબેન મોહનભાઈ વચ્ચે રહેવાની છે.
