November 30, 2025
Vartman Pravah
Breaking NewsOtherડિસ્ટ્રીકટદમણદીવસેલવાસ

‘રોબોએજ પ્રોગ્રામ’ અંતર્ગત યોજાનારી ‘‘રોબોટેક્‍સ આંતરરાષ્‍ટ્રીય ચેમ્‍પિયનશીપ-2024”માં સંઘપ્રદેશના 5 વિદ્યાર્થીઓ ભાગ લેશે

યુરોપિયન દેશ એસ્‍ટોનિયાની રાજધાની તાલિનમાં આગામી 6 અને 7મી ડિસેમ્‍બરે આંતરરાષ્‍ટ્રીય ચેમ્‍પિયનશીપ યોજાશે

સંઘપ્રદેશના પ્રશાસક પ્રફુલભાઈ પટેલે ચેમ્‍પિયનશીપમાં ભાગ લઈ રહેલા વિદ્યાર્થીઓને ઉત્‍કૃષ્‍ટ પ્રદર્શન કરી દેશનું નામ રોશન કરવા આપેલા આશીર્વાદ

(વર્તમાન પ્રવાહ ન્‍યુઝ નેટવર્ક)
દમણ, તા.03 : આગામી તા.6 અને 7 ડિસેમ્‍બર, 2024ના રોજ યુરોપિયન દેશ એસ્‍ટોનિયાની રાજધાની તાલિનમાં ‘રોબોએજ પ્રોગ્રામ’ અંતર્ગત ‘‘રોબોટેક્‍સ આંતરરાષ્‍ટ્રીય ચેમ્‍પિયનશીપ-2024”નું આયોજન થઈ રહ્યું છે. જેમાં કેન્‍દ્ર શાસિત પ્રદેશ દાદરા નગર હવેલી અને દમણ-દીવ તરફથી ભાગ લેવા માટે પાંચ જેટલી સરકારી પ્રાથમિક શાળાના બાળકોની પ્રશાસન દ્વારા પસંદગી કરવામાં આવી છે. પસંદગી પામેલા બાળકોને પ્રશાસક શ્રી પ્રફુલભાઈ પટેલે આશીર્વાદ આપ્‍યા હતા અને ઉત્‍કૃષ્‍ટ પ્રદર્શન કરીને પ્રદેશ તથા દેશનું નામ રોશન કરે એવી શુભકામના સાથે જરૂરી માર્ગદર્શન પણ આપ્‍યું હતું.
પ્રાપ્ત માહિતી પ્રમાણે કેન્‍દ્ર શાસિત પ્રદેશ દાદરા નગર હવેલી અને દમણ-દીવ પ્રદેશ પ્રશાસને પાંચ જેટલી પ્રાથમિક શાળાના બાળકોની યુરોપના પ્રવાસ માટે પસંદગી કરી છે. જેમાં(1)કુ. પૂર્વી પટેલ – સીપીએસ સેલવાસ, (ગુજરાતી માધ્‍યમ) ધોરણ-5 (2)ચિ. શિવા યાદવ અને ચિ. હરેન્‍દ્ર ઠાકુર – CPS રખોલી, (અંગ્રેજી માધ્‍યમ) ધોરણ-8 (3)ચિ. હરપ્રસાદ સાંઈ – CPS રીંગણવાડા, દમણ, (અંગ્રેજી માધ્‍યમ) ધોરણ-7 (4)કુ. ડિમ્‍પલ પાટીલ – સીપીએસ સેલવાસ, (મરાઠી માધ્‍યમ)ધોરણ-7 અને (5)કુ. રિયા ચૌધરી – સીપીએસ દાદરા, (અંગ્રેજી માધ્‍યમ) સ્‍કૂલ, ધોરણ-7નો સમાવેશ થાય છે, જેઓ આગામી ડિસેમ્‍બર મહિનાની 6 અને 7મી તારીખે એસ્‍ટોનિયા દેશની રાજધાની તાલિનમાં ‘રોબોએજ પ્રોગ્રામ’ અંતર્ગત યોજાનારી ‘‘રોબોટેક્‍સ આંતરરાષ્‍ટ્રીય ચેમ્‍પિયનશીપ-2024”માં સંઘપ્રદેશનું નેતૃત્‍વ કરશે.
અત્રે યાદ રહે કે, Starlight Technologies Limited RoboEdge પ્રોગ્રામ માટે સ્‍પોન્‍સર છે, જે Robotex India NGO અને શિક્ષણ વિભાગ દ્વારા સરકારી શાળાઓમાં એપ્રિલ સમર કેમ્‍પથી શરૂ કરવામાં આવ્‍યો છે. રોબોટેક્‍સ ઇન્‍ડિયાની ટીમે રજાઓ દરમિયાન સમર કેમ્‍પ દ્વારા બાળકોને કોડિંગ અને AIની તાલીમ આપી હતી.
પૂણેમાં 10 અને 11 ઓગસ્‍ટના રોજ યોજાયેલી રોબોટેક્‍સ નેશનલ ચેમ્‍પિયનશિપ-2024માં દાદરા નગર હવેલીના 150 બાળકોએ ભાગ લીધો હતો, જેમાંથી આ 6 બાળકોની પસંદગી કરવામાં આવી છે.

Related posts

વાપી દમણગંગા નદી ઉપર 105 કરોડના ખર્ચે વધુ એક ડેમ અને રિવરફ્રન્‍ટનું નિર્માણ થશે

vartmanpravah

વાપી પોદાર ઈન્‍ટરનેશનલ સ્‍કૂલમાં નવરાત્રીની ઉજવણી થઈ

vartmanpravah

અતુલ સ્‍મશાન ગૃહમાંકોવિદની બીજી લહેરમાં 103 જેટલા મૃતકોનો અગ્નિ સંસ્‍કાર કરનારનું નામ ઈન્‍ડિયા બુક રેકોર્ડમાં નોંધાયું

vartmanpravah

દાનહ આદિવાસી વિકાસ સંગઠનના મેનેજમેન્‍ટને બરતરફ કરવા પ્રશાસને લીધેલા નિર્ણયનું સ્‍વાગત કરતા કોંગ્રેસી નેતા પ્રભુભાઈ ટોકિયા

vartmanpravah

vartmanpravah

ચીખલી તાલુકામાં ગ્રામ પંચાયતોનું સરેરાશ 62.18 ટકા મતદાન શાંતિપૂર્ણ માહોલમાં સંપન્ન

vartmanpravah

Leave a Comment