(વર્તમાન પ્રવાહ વાપી બ્યુરો)
વાપી, તા.22
વલસાડ જિલ્લાના જાણીતા તબીબ અને નાડકર્ણી હોસ્પિટલના વાપી, પારડી, વલસાડ અને સુરતના ડાયરેક્ટર ડો. પૂર્ણિમાબેન નાડકર્ણીનું આજે શુક્રવારે ગોવા ખાતે દુઃખદ અવસાન થયું હતું.
વંધ્યત્વ નિવારણ અને ટેસ્ટટયુબનું ગુજરાત સહિત દેશ-વિદેશમાં નામ ગુંજતુ કરનાર શ્રીમતી ડો.પૂર્ણીમાબેન નાડકર્ણીનું આજે ગોવા ખાતે અવસાન થયું હતું. બે વર્ષથી તેઓ કેન્સરની બિમારીથી ઝૂઝતા હતા. તેમના અવસાનના સમાચારને લઈ જિલ્લાની તબીબી આલમમાં શોકની લાગણી ફેલાઈ જવા પામી હતી.
