મુંબઈથી આવેલ એક વેપારીની કાર ખાડામાં પટકાઈઃ વસાહતમાં આવા બનાવો રોજીંદા બની રહ્યા છે
(વર્તમાન પ્રવાહ વાપી બ્યુરો)
વાપી, તા.22: નગરપાલિકા હોય કે જી.આઈ.ડી.સી. નોટિફાઈડ વિભાગ હોય જાહેર રોડ, ડ્રેનેજની જાળવણી અને નિભવણી માટે હંમેશાં આ વિભાગો બાંદા પુરવાર થતા રહેલા છે. તેવી સત્યતા ઉજાગર કરતો વધુ એક બનાવ આજે વાપી જી.આઈ.ડી.સી.માં બન્યો હતો.ગટરના ખુલ્લા ઢાંકણા વગરના ખાડામાં મુંબઈથી આવેલ વેપારીની કાર ખાડામાં પટકાઈ હતી. ધીમી ગતિ હોવાથી કાર થોભી ગઈ હતી પરંતુ પલટી મારતા મારતા બચી ગઈ હોવાથી મોટી દુર્ઘટના ટળી હતી.
જાહેર વિભાગના વહીવટી તંત્રો દ્વારા બેદરકારી હવે આમ સામાન્ય બની ગઈ છે. હાલના ચોમાસાએ એક-બે નહી હજાર પુરાવા તંત્ર સામે ધરી દીધા છે. રોડ, રસ્તા, ધોવાણ, ખાડાઓના ઠેર-ઠેર ઢગલાબંધ કિસ્સા છે. વાપી જી.આઈ.ડી.સી.ના રોડ એકંદરે સારા છે. પરંતુ ોડની બન્ને તરફ આવેલ ડ્રેનેજ લાઈનના ઢાંકણા કેટલીક જગ્યાએ ખુલ્લા જોવા મળી રહ્યા છે. જેને લીધે એક કાર આજે ખાડામાં પટકાઈ હતી. પલટી મારતા માંડ બચી હતી. ડ્રેનેજના ખુલ્લા ઢાંકણ ક્યારેક જીવલેણ બની શકે છે. એ પહેલાં મરામત કરાવાની જરૂરીયાત છે.
