પ્રથમ મહિલા સાંસદ બનવાનું ગૌરવ કલાબેન ડેલકરના શિરે
(વર્તમાન પ્રવાહ ન્યુઝ નેટવર્ક)
સેલવાસ, તા.02
દાદરા નગર હવેલી માટે જ ડેલકર પરિવારનો જન્મ થયો હોય એવું વિધિ-વિધાન ઉપરથી ફલિત થઈ રહ્યું છે. દાદરા નગર હવેલીના પ્રથમ સાંસદ બનવાનું બહુમાન સ્વ. સનજીભાઈ ડેલકરને મળ્યું હતું. ત્યારબાદ તેમના પુત્ર મોહનભાઈ ડેલકર સાંસદ બન્યા હતા અને તેઓ 7 ટર્મના સાંસદ બનવા ભાગ્યશાળી રહ્યા હતા.
દાદરા નગર હવેલીમાં હારેલો ઉમેદવાર ક્યારેય પણ સાંસદ નહીં બની શકે એવી પ્રચલિત માન્યતા પણ મોહનભાઈ ડેલકરે 2019માં તોડી હતી. તે પહેલાં 2009 અને 2014માં મોહનભાઈ ડેલકરને પરાજયનો પણ સ્વાદ ચાખવા પડયો હતો.
હવે મોહનભાઈ ડેલકરના વિધવા શ્રીમતી કલાબેન ડેલકરે મેળવેલી ઐતિહાસિક જીત બાદ તેઓ પ્રથમ મહિલા સાંસદ બનવાની સાથે એક જ પરિવારના શ્વસૂર, પતિ અને પોતે પણ સાંસદ બન્યા હોય એવી અદ્ભૂત ઘટના આકાર પામી છે.
