વાપી સહિત જિલ્લાનું નામ રોશન કર્યુ : પ્રિયા યાદવ, શ્રદ્ધા યાદવે ઈનામો મેળવ્યા
(વર્તમાન પ્રવાહ વાપી બ્યુરો)
વાપી,તા.22
વાપીની સેન્ટ ફ્રાન્સીસ હાઈસ્કૂલની વિદ્યાર્થીનીઓ ગુજરાત સ્ટેટ વોલીબોલ સ્પર્ધામાં પ્રથમ અને દ્વિતીય સ્થાન મેળવીને વાપી સહિત વલસાડ જિલ્લાનું રાજ્ય સ્તરે નામ રોશન કર્યુ હતું.
ગુજરાત વોલીબોલ એસોસિએશન દ્વારા ગત 1પ અને 16 નવેમ્બરના રોજ 44મી ગુજરાત સ્ટેટ સબ જુનીયર વોલીબોલ સ્પર્ધા તેમજ 48મી જુનીયર વોલીબોલ સ્પર્ધામાં વાપીની સેન્ટ ફ્રાન્સિસ હાઈસ્કૂલની વિદ્યાર્થીઓની વોલીબોલ ટીમે ભાગ લીધો હતો. જેમાં 44મી સ્પર્ધામાં પ્રથમ અને 48મી સ્પર્ધામાં દ્વિતીય સ્થાને વિજેતા બની હતી. આ સ્પર્ધામાં જુનીયર કક્ષામાં યાદવ પ્રિયાને બેસ્ટ એટેકર તથા યાદવ શ્રદ્ધાને બેસ્ટ સેટરના ઈનામ પણ એનાયત કરવામાં આવ્યા હતા. આ સિદ્ધિ હાંસલ કરવા બદલ શાળાના આચાર્ય શ્રી નારાયણ કટ્ટી તથા શિક્ષક ગણે ટીમને અભિનંદન પાઠવ્યા હતા.
