રેલ્વે પોલીસે બે સુરતના રત્ન કલાકાર અને એક અન્યની ધરપકડ કરી
(વર્તમાન પ્રવાહ વાપી બ્યુરો)
વાપી, તા.22
રેલ્વે મુસાફરી દરમિયાન કેટલાક અસામાજીક તત્વો ચાલુ ટ્રેનમાં ગમે તેવા અભદ્ર વહેવાર કરતા સહેજ પણ અચકાતા હોતા નથી. તેવું જ કંઈક વલસાડ સ્ટેશને બન્યું હતું. તેજસ એક્સપ્રેસ ટ્રેનમાં દારૂ પીનેછાકટા બનેલ ત્રણ યુવાન મુસાફરોને પોલીસે ઝડપી પાડી જેલ ભેગા કર્યા હતા.
વલસાડ રેલ્વે સ્ટેશન તેજસ એક્સપ્રેસ ટ્રેનમાં ત્રણ યુવાનો દારૂના નશામાં ચકચૂર બનીને મુસાફરોની વચ્ચે ચેનચાળા કરી રહ્યા હતા. ટ્રેન ઉભી રહી ત્યારે રેલ્વે પોલીસને જાણ કરવામાં આવતા પોલીસે તરત કાર્યવાહી કરી રાજેશ કિશોર પંડીત, જયદીપ ગોવિંદ ચુડાસમા અને ડેની રમેશભાઈ સુરતી નામના ત્રણેય પિધ્ધડોની ધરપકડ કરી કાયદેસરની કાર્યવાહી કરી હતી.
ત્રણેય પૈકી બે રત્ન કલાકારો હતા અને 18 થી ર0 વર્ષની ઉંમરના હતા. પોલીસ ધરપકડ બાદ ત્રણેયનો દારૂનો નશો ઉતરી ગયો હતો.
