(વર્તમાન પ્રવાહ વાપી બ્યુરો)
વાપી, તા.22
વાપી નજીક આવેલ અંબાચ ગામે આજે સોમવારે બપોરે એક કાચા મકાનમાં અચાનક આગ લાગી હતી. આગની ઘટનામાં ઘર-સમાન, રાચ રચિલું બળીને ખાક થઈ જવા પામ્યું હતું.
વાપી નજીક આવેલ અંબાચ ગામે વાઘસર ફળીયામાં રહેતા શ્રી અશોકભાઈ બાજીભાઈના મકાનમાં બપોરે અચાનક આગ લાગી હતી. મકાનમાંથી ધુવાળા આવતા પડોશીઓ ભેગા થઈ ગયા હતા.
વાપી નોટિફાઇડ ફાયર બ્રિગેડને તુરંત જાણ કરવામાં આવી હતી. ફાયર ટીમ ઘટના સ્થળે પહોંચીને આગ પર કાબૂ મેળવી લીધો હતો. આગમાં ઘરનો સર સામાન બળીને ખાખ થઈ ગયો હતો. ઘટનામાં અન્ય કોઈ જાન હાની થઈ નહોતી. આગ શોર્ટ સર્કિટથી લાગી હોવાનું જાણવા મળેલ છે પણ એક ગરીબ પરિવારનો આશિયાનો આગની ઘટનામાં બળી જવા પામ્યો હતો.
