(વર્તમાન પ્રવાહ ન્યુઝ નેટવર્ક)
દમણ, તા.30
સરકારી ઉચ્ચ પ્રાથમિક શાળા દેવકા કોલોનીમાં કડૈયા પંચાયતના સરપંચ શ્રી શંકરભાઈ પટેલ, ડેપ્યુટી સરપંચ અને પંચાયતના સભ્યોના હસ્તે મધ્યાહન ભોજન કિટનું વિતરણ કરવામાં આવ્યું હતું.
પ્રાપ્ત માહિતી અનુસાર ભારત સરકારની મધ્યાહન ભોજન યોજના હેઠળ બાળકોને પૌષ્ટિક ભોજન મળી રહે એ ઉદ્દેશ્યથી આજરોજ સંઘપ્રદેશ થ્રીડીના શિક્ષણ વિભાગ દ્વારા આપવામાં આવતા મધ્યાહન ભોજન કિટનું આજે સરકારી ઉચ્ચ પ્રાથમિક શાળા દેવકા કોલોનીમાં વિતરણ કરવામાં આવ્યું હતું.જેમાં સ્કૂલના ઈન્ચાર્જ હેડ માસ્તર શ્રી વિરેન્દ્રભાઈ પટેલ દ્વારા તમામ વિદ્યાર્થીઓના માતા-પિતાઓને કોવિડ-19ના પ્રોટોકોલને ધ્યાનમાં રાખી કિટ લેવા માટે આમંત્રિત કરવામાં આવ્યા હતા.
આ મધ્યાહન ભોજન રાશન કિટમાં સપ્ટેમ્બર અને ઓક્ટોબર એટલે કે બે મહિનાનું રાશન ધોરણ 6 થી 8ના વિદ્યાર્થીઓને 6.9 કિલો ચોખા, ર.0 કિલો તુવર દાળ, ર.0 લિટર તેલ અને 1 કિલો ચણા વગેરે ખાદ્ય સામગ્રી આપવામાં આવી હતી.
આ મધ્યાહન ભોજન રાશન કિટ વિતરણમાં કડૈયા ગ્રુપ ગ્રામ પંચાયતના સરપંચ શ્રી શંકરભાઈ પટેલ, ઉપ સરપંચ અંજનાબેન પટેલ, કડૈયા ગ્રામ પંચાયત સભ્ય શ્રી મયુરભાઈ ભંડારી, શ્રી હિતેશભાઈ ભંડારી, સંગીતાબેન ભંડારી અને મીનાબેન ટંડેલ સહિત કડૈયા ગ્રામ પંચાયતના પ્રતિનિધિઓ સ્કૂલમાં ઉપસ્થિત રહી વિદ્યાર્થીઓના માતા-પિતાને રાશન કિટનું વિતરણ કર્યુ હતું.
આ અવસર પર ઉચ્ચ પ્રાથમિક વિભાગના ઈન્ચાર્જ હેડ માસ્ટર શ્રી વિરેન્દ્રભાઈ પટેલ અને શિક્ષિકા શ્રીમતી સ્વાતીબેન પટેલે સરપંચ શ્રી શંકરભાઈ પટેલ, ઉપ સરપ઼ચ અને ઉપસ્થિત તમામ સભ્યોનો આભાર માન્યો હતો.
