રૂ.25,500/- નો મુદ્દમાલ કબ્જે કરી કાયદેસરની કાર્યવાહી હાથ ધરી
(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.28: થાલા ગામે તીન પત્તિનો હાર-જીતનો જુગાર રમતા પાંચ જેટલા ઝડપાયા. રૂ.25,500 નો મુદ્દમાલ કબ્જે કરી કાયદેસરની કાર્યવાહી હાથ ધરી હતી.
પોલીસ મથકેથી પ્રાપ્ત માહિતી અનુસાર ચીખલી પોલીસે બાતમીના આધારે પીએસઆઈ-સમીર જે.કડીવાલા, જે.બી.જાદવ તથા સર્વેલન્સ સ્ટાફ દ્વારા ચીખલીના થાલા ગામે છાપો મારી નહેર પાસે આવેલ કબ્રસ્તાનની દીવાલ નજીક ખુલ્લી જગ્યામાં ગોલકુંડાળુ કરી તીન પત્તિનો હાર-જીતનો જુગાર રમતાસિકંદર બાબુભાઈ મલમકવાણા (ઉ.વ-40) (રહે.હાલે થાલા નહેરની બાજુમાં હાથ બજાર મેદાનમાં ઝૂંપડપટ્ટીમાં તા.ચીખલી) આમિર ઈમ્તિયાક ખાન (ઉ.વ-23) (હાલ રહે.અંભેટા આંબલિયા ફળીયા તા.ગણદેવી) ભુટુખાન ગુલામહુસેન ખાન (ઉ.વ-35) (રહે.અંભેટા તા.ગણદેવી) અરુણ શ્રીપાલ ચૌધરી (ઉ.વ-21) (રહે.ખૂંધ ખાડામાં તા.ચીખલી) મોહિત શ્યામ સુંદર ચૌધરી (ઉ.વ-22) (રહે.થાલા કે.જી.એન બેકરીમાં તા.ચીખલી) એમ પાંચ જેટલાને ઝડપી પાડી રોકડા રૂપિયા 10,550/- તથા મોબાઇલ નંગ 3 કિ.રૂ.15,000/- મળી કુલ્લે રૂ.25,500/- નો મુદ્દામાલ કબ્જે કરી કાયદેસરની કાર્યવાહી હાથ ધરી હતી.
