મુખ્ય આરોપી કથિત સીમા નામની યુવતિને પોલીસ શોધી રહી છે
(વર્તમાન પ્રવાહ વાપી બ્યુરો)
વાપી, તા.13
વાપીમાં મોબાઈલ દ્વારા વાતચિત કરીને યુવકને પ્રેમજાળમાં ફસાવી એક યુવતિએ ફલેટમાં યુવક સાથે અંગત પળો માણી હતી, જેનો વિડીયો બનાવીને વાયરલ કરવાની ધમકી આપી યુવક પાસે રૂા.5 લાખની માંગણી કરી હતી. યુવકે ટાઉન પોલીસમાં ફરિયાદ નોંધાવતાની સાથે જ પોલીસે આખો હનીકાંડનો પર્દાફાશ કરી દીધો છે. જેમાં યુવતીનો સાગરીત લલીત સોની જ્વેલર્સની પોલીસે ધરપકડ કરી છે. જ્યારે કથિત સીમા નામની મુખ્ય સુત્રધાર યુવતિને પોલીસ શોધી રહી છે.
વાપીમાં કન્સ્ટ્રકશન વ્યવસાય સાથે સંકળાયેલ યુવકના મોબાઈલ ઉપર રીંગ કરીને ધીરે ધીરે પ્રેમજાળમાં સીમા નામ જણાવેલ યુવતીએ યુવકને લપટાવ્યો હતો. એક દિવસ હાઈવે જલારામ બિલ્ડીંગ પાસે આવેલ એક એપાર્ટમેન્ટમાં યુવકને બોલાવી તેની સાથે શરિર સુખ માણતી અંગત પળોનો વિડીયો બનાવી લીધો હતો અને વાયરલ કરવાની ધમકી આપી સીમાએ રૂપિયા પાંચ લાખની માંગણી કરી હતી.તેથી યુવકે ફરિયાદ નોંધાવી હતી. પોલીસે મામલાની ગંભીરતાની નોંધ લઈ એક જ દિવસમાં વાપી જ્વેલર્સ લલીત સોનીની ધરપકડ કરી લીધી હતી. સિમા અને લલીતએ હનીકાંડનું ષડયંત્ર રચ્યું હતું. પોલીસ સીમાને શોધી રહી છે. લલીતના રિમાન્ડમાં બીજી સ્ફોટક વાતો બહાર આવે તો નવાઈ નહીં.
