સરદાર ચોકમાં પાલિકા પ્રમુખ કાશ્મિરાબેન શાહ, પાલિકાના હોદ્દેદારોએ સરદાર પ્રતિમાને પુષ્પાંજલી અર્પણ કરી
(વર્તમાન પ્રવાહ વાપી બ્યુરો)
વાપી, તા.15
અખંડ ભારતના ઘડવૈયા, દિર્ઘદ્રષ્ટા,લોખંડી પુરુષ, ભારત રત્ન સરદાર વલ્લભભાઈ પટેલની આજે બુધવારે પુણ્યતિથિએ વાપી ભાજપ પરિવારે સરદાર ચોકમાં સરદાર પટેલની પ્રતિમાને પુષ્પાંજલી અર્પણ કરી હતી.
વાપી બજાર મેઈન રોડ ઉપર આવેલ સરદાર ચોક સ્થિત સરદાર પટેલની પ્રતિમાને વાપી નગરપાલિકાના નવનિયુક્ત પ્રમુખ કાશ્મિરાબેન શાહ સહિતના આગેવાનોએ પુષ્પાંજલી અર્પણ કરીને સરદાર પટેલની પુણ્યતિથિની ઉજવણી કરી હતી.
આ શહેર ભાજપ પ્રમુખ શ્રી સતિષભાઈ પટેલ, કારોબારી ચેરમેન શ્રી મિતેશભાઈ દેસાઈ, પૂર્વ પાલિકા પ્રમુખ શ્રી વિઠ્ઠલભાઈ પટેલ પાલિકાના નવા ચૂંટાયેલા કોર્પોરેટરો સહિત ભાજપના સંગઠનના પદાધિકારીઓ અને કાર્યકરો મોટી સંખ્યામાં ઉપસ્થિત રહ્યા હતા.