પોલીસે હાઈપ્રોફાઈલ જુગારધામ ઉપર રેડ કરી રોકડા સહિત 23.62 લાખનો મુદ્દામાલ જપ્ત કર્યો
(વર્તમાન પ્રવાહ વાપી બ્યુરો)
વાપી, તા.13: વાપી નામધા ગામે આવેલ હનુમંત રેસીડેન્સીમાં આજે બુધવારે બપોરે રેડ પાડતા બિલ્ડીંગના એક ફલેટમાં છ બિલ્ડર અને કોન્ટ્રાક્ટરોને જુગાર રમતા રંગે હાથ ઝડપી પાડયા હતા.
વાપી ટાઉન પોલીસને મળેલી બાતમી આધારે આજે બપોરે નામધા સ્થિત હનુમંત રેસીડેન્સીમાં રેડ પાડીહતી. રેડ કાર્યવાહીમાં ફલેટ નં.403માં બિલ્ડર અને કોન્ટ્રાક્ટરો હાઈપ્રોફાઈલ જુગાર રમતા ઝડપાયા હતા. ઝડપાયેલા આરોપીઓમાં દર્શક ભરતભાઈ મહેતા, સંતોષ રમેશભાઈ જાદવ અને ચંદુ રાજાભાઈ રાજપૂતનો સમાવેશ થાય છે. પોલીસે દાવમાં રાખેલા રોકડા રૂા.2,70,403 રોકડા અને વાહનો મોબાઈલ મળી કુલ 23.62 લાખનો મુદ્દામાલ જપ્ત કરી કાયદેસરની કાર્યવાહી કરી હતી.