(વર્તમાન પ્રવાહ વાપી બ્યુરો)
વાપી, તા.15
વાપીની જાણીતી કંપની આરતી ઈન્ડસ્ટ્રીઝ લી.માં આજે બુધવારે મેગા રક્તદાન કેમ્પ યોજાયો હતો. કંપની દ્વારા પાછલા 25 વર્ષથી દર વર્ષે રક્તદાન કેમ્પનું આયોજન કરે છે. આજે 26મોરક્તદાન કેમ્પ યોજાયો હતો. જેમાં સર્વોચ્ચ 600 યુનિટ જેટલુ રક્તદાન રક્તદાતાઓ દ્વારા કરવામાં આવ્યું હતું.
આરતી ગૃપ ઓફ ઈન્ડસ્ટ્રીઝ, વાપી ઈન્ડસ્ટ્રીઝ એસોસિએશન, નિયામક ઔદ્યોગિક સુરક્ષા, શ્રમ અને રોજગાર વિભાગ તથા વાપી ગ્રીન એન્વાયરોના સંયુક્ત ઉપક્રમે આજે કંપની પરિસરમાં 26મો રક્તદાન કેમ્પ યોજાયો હતો. વાપીની રોટરી બ્લડ બેંક, લાયન્સ બ્લડ બેંક અને રક્તદાન કેન્દ્ર વલસાડ એમ ત્રણ રક્તદાન બેન્કો આ ભગીરથ કામગીરીમાં જોડાઈ હતી. આરતી ગૃપના કામદારો સિવાય અન્ય કંપનીઓના કામદારોએ પણ અપૂર્વ ઉત્સાહભેર રક્તદાન કરીને ટારગેટથી વધુ 600 યુનિટ જેટલુ બમ્પર રક્તદાન કરીને 26મો રક્તદાન કેમ્પ સફળ બનાવ્યો હતો. કંપની ડાયરેક્ટર સ્વ.શાંતિભાઈ શાહની પૂર્ણતિથિ નિમિત્તે રક્તદાન કેમ્પનું આયોજન કર્યું હતું. તમામ એકત્રિત રક્ત ત્રણેય બ્લડ બેંકોમાં મોકલી આપવામાં આવશે.
