(વર્તમાન પ્રવાહ ન્યુઝ નેટવર્ક)
સેલવાસ, તા.21: દાદરા નગર હવેલી અને દમણ દીવ પ્રાથમિક શિક્ષણ વિભાગ જિલ્લા પંચાયત દ્વારા પ્રધાનમંત્રી શ્રી નરેન્દ્રભાઈ મોદીના 25મી એપ્રિલના રોજ સંઘપ્રદેશમાં આગમન નિમિતે અર્પણ કાર્યક્રમના અનુસંધાનમાં શાળાઓમાં 21મી એપ્રિલથી 2પમી એપ્રિલ સુધી વિવિધ કાર્યક્રમોનું આયોજન કરવામાં આવ્યું છે. જેમાં શાળા કક્ષાની વકતૃત્વ સ્પર્ધાનું આયોજન કેન્દ્ર શાળાઓમાં કરવામાં આવ્યું હતું. જેમાં પેટા શાળાઓના વિદ્યાર્થીઓએ ભાગ લીધો હતો. જેમાંથી દરેક કેન્દ્ર શાળા કક્ષાએ પ્રથમ ક્રમાંક પ્રાપ્ત કરનાર દરેક વિદ્યાર્થીઓની જિલ્લા કક્ષાની સ્પર્ધા પ્રાથમિક કેન્દ્ર શાળા ઝંડાચોક સેલવાસ ખાતે આયોજીત કરવામાં આવી હતી. જેમાં સેલવાસ અને ખાનવેલ બ્લોકમાં આવતી વિવિધ શાળાના 30 જેટલા વિદ્યાર્થીઓએ ભાગ લીધો હતો. આ સ્પર્ધામાં સેલવાસ બ્લોકમાંથી પ્રથમ ક્રમ કુ.લક્ષ્મી ધ્યાનેશ્વર પાટીલ (કેન્દ્ર શાળા સેલવાસ અંગ્રેજી માધ્યમ) તેમજ દ્વિતીય ક્રમ કુ. વર્ષા ઉમેશ યાદવા (કેન્દ્ર શાળા સેલવાસ અંગ્રેજી માધ્યમ) અને ખાનવેલ બ્લોકમાંથી પ્રથમ ક્રમ કુ. સ્મિતા વેંકટ કૂલમાલી (કેન્દ્ર શાળા ખાનવેલ મરાઠી માધ્યમ) તેમજ દ્વિતીય ક્રમ શ્રી સુશિલ લક્ષીમન દાધાવ (પ્રાથમિક શાળા ઉમરવરણી ગુજરાતી માધ્યમ)એમળવ્યો હતો.
