(વર્તમાન પ્રવાહ ન્યુઝ નેટવર્ક)
સેલવાસ, તા.31
દાદરા નગર હવેલીના દાદરા ગામે આઝાદીના અમળત મહોત્સવ અંતર્ગત સબકી યોજના સબકા વિકાસ મુદ્દા પર અને ગ્રામપંચાયતના વિકાસ યોજના જન યોજના અભિયાન સંદર્ભે સરપંચની અધ્યક્ષતામા ગ્રામસભાનું આયોજન કરવામાં આવ્યું હતું.
જેમાં ગ્રામ પંચાયતના વિકાસના સંદર્ભે વિવિધ યોજનાઓ અને મુદ્દાઓ અંગે ચર્ચા વિચારણા કરવામા આવી હતી. સરકારની વિવિધ યોજનાઓ અંગે અલગ અલગ વિભાગના અધિકારીઓદ્વારા જાણકારી આપવામા આવી હતી. સાથે સાથે નાણાંકીય વર્ષ 2021-22માટે એક્શન પ્લાન બનાવવા માટે લેવામા આવનાર કામો યોજનાઓ અંગે ગ્રામસભામા ઠરાવની મંજુરી મેળવી હતી.
આ અવસરે જિલ્લા પંચાયત સભ્ય, સરપંચ, સભ્યો સહિત ગ્રામજનો ઉપસ્થિત રહ્યા હતા.
