દમણ જિલ્લા પંચાયતના મુખ્ય કાર્યકારી અધિકારી આશિષ મોહન અને બીડીઓ પ્રેમજીભાઈ મકવાણાએ પણ આકસ્મિક મુલાકાત લઈ કામકાજનું નિરીક્ષણ કરી સોલિડ વેસ્ટ મેનેજમેન્ટ(હેન્ડલિંગ એન્ડ મેનેજમેન્ટ) બાયલોઝ-2021ની આપેલી સમજ
(વર્તમાન પ્રવાહ ન્યુઝ નેટવર્ક)
દમણ, તા.31
ઘેલવાડ ગ્રામ પંચાયત વિસ્તારમાં સરપંચ શ્રીમતી હિતાક્ષીબેન જિજ્ઞેશભાઈ પટેલના નેતૃત્વમાં સોલિડ વેસ્ટ મેનેજમેન્ટ જાગૃતિ અભિયાન અંતર્ગત આજે વિવિધ વાણિજ્યક દુકાનોમાં જઈ દુકાનદારોને સુકા અને ભીના કચરાથી માહિતગાર કરાયા હતા.
ઘેલવાડ ગ્રામ પંચાયત દ્વારા સોલિડ વેસ્ટ મેનેજમેન્ટના ચાલી રહેલા જાગૃતિ અભિયાન દરમિયાન દમણ જિલ્લા પંચાયતના મુખ્ય કાર્યકારી અધિકારી શ્રી આશિષ મોહન અને વિકાસ ઘટક અધિકારી (બી.ડી.ઓ.) શ્રી પ્રેમજીભાઈ મકવાણાએ પણ આકસ્મિક મુલાકાત લઈ સોલિડ વેસ્ટ મેનેજમેન્ટ(હેન્ડલિંગ એન્ડ મેનેજમેન્ટ) બાયલોઝ-2021ની સમજ આપી હતી.
આ પ્રસંગે ઘેલવાડ ગ્રામ પંચાયતના સરપંચ શ્રીમતી હિતાક્ષીબેન પટેલે દુકાનદારોને સુકો કચરો અને ભીનો કચરો અલગ તારવવા તથા સુકા અનેભીના કચરાની શ્રેણીમાં કયો કયો કચરો આવે તે બાબતે પણ માહિતી આપી હતી અને જોખમી કચરા બાબતે પણ સમજ આપી હતી.
આ સમગ્ર અભિયાનમાં ઘેલવાડ ગ્રામ પંચાયતના સેક્રેટરી શ્રી આનંદ પંચાલ તથા પંચાયતના સભ્યો પણ જોડાયા હતા.
