સરપંચ મુકેશ ગોસાવી, જિ.પં.સભ્ય ફાલ્ગુનીબેન પટેલ, ઉપ સરપંચ મિલન રાયચંદે દમણવાડાના મંડળમાં ભાજપના જનાધારને વધારવા સંપૂર્ણ સહયોગ આપવા આપેલી ખાતરી
(વર્તમાન પ્રવાહ ન્યુઝ નેટવર્ક)
દમણ, તા.13
આજે ભાજપ પ્રદેશ કાર્યાલય ખાતે ભારતીય જનતા પાર્ટી દાદર નગર હવેલી અને દમણ-દીવ પ્રદેશના અધ્યક્ષ શ્રી દીપેશભાઈ ટંડેલ અને દમણ જિલ્લા પ્રભારી અને પ્રદેશ ઉપ પ્રમુખ શ્રી નવીનભાઈ પટેલ અને દમણ જિલ્લા પ્રમુખ શ્રી અસ્પી દમણિયાની સંમતિથી અને તમામ મંડળના તમામ કાર્યકતાઓ સાથે ચર્ચા-વિચારણા કર્યા બાદ દમણ જિલ્લાના દમણવાડા મંડળ પ્રમુખના પદ ઉપર શ્રી વિષ્ણુભાઈ બાબુભાઈ અને મગરવાડા મંડળ પ્રમુખના પદ ઉપર શ્રી ધનંજય બાલુ ધોડીને વિધિવત નિયુક્તી પત્ર આપી નિયુક્ત કરવામાં આવ્યા છે. આ અવસરે પ્રદેશ ઉપાધ્યક્ષ શ્રી મહેશભાઈ અગરિયા ઉપસ્થિત રહ્યા હતા.
દરમિયાન દમણવાડા મંડળના પ્રમુખ તરીકે શ્રી વિષ્ણુભાઈ બાબુની નિયુક્તિ થતા સરપંચ શ્રી મુકેશ ગોસાવી, જિ.પં. સભ્ય શ્રીમતી ફાલ્ગુનીબેન પટેલ અને ઉપ સરપંચ શ્રી મિલન રાયચંદે અભિનંદનપાઠવી દમણવાડા વિભાગમાં ભાજપના સંગઠનને વધુ મજબૂત કરી જનાધાર વધારવા તમામ સહયોગ આપવા ખાતરી આપી હતી.
