(વર્તમાન પ્રવાહ ન્યુઝ નેટવર્ક)
સેલવાસ, તા.13
સેલવાસ નરોલી રોડ પર અથાલ નજીક નરોલીથી સેલવાસ તરફ રીક્ષા નંબર જીજે-15-વાયવાય-8090 પેસેન્જર ભરીને આવી રહી હતી. એની પાછળ જ એક ટ્રક નંબર જીજે-15-વાયવાય-8103ના ચાલકે રિક્ષાને ઓવરટેક કરવાના લ્હાયમાં ટ્રકનો પાછળનો ભાગ રિક્ષાને ટચ થઈ જતા રીક્ષા પલ્ટી મારી ગયી હતી. રિક્ષામાં સવાર બે વ્યક્તિને ગંભીર ઈજા થઇ હતી. જેઓને સ્થાનિકોએ 108 એમ્બ્યુલન્સ દ્વારા વિનોબાભાવે સિવિલ હોસ્પિટલમાં સારવાર અર્થે દાખલ કરવામા આવ્યા હતા. ઘટનાની જાણ થતાં પોલીસની ટીમ પહોંચી હતી અને ટ્રક ડ્રાઇવર ફરાર થઈ ગયો હતો. જેની શોધખોળહાથ ધરી હતી. સેલવાસ પોલીસે અકસ્માતનો ગુનો નોંધી વધુ તપાસ હાથ ધરી છે.
