શક્તિ એન્ટરપ્રાઈઝના વેપારી ભરત માલીની અટકાયત : 68325 રૂા.નો મુદ્દામાલ જપ્ત
(વર્તમાન પ્રવાહ વાપી બ્યુરો)
વાપી, તા.16
વાપી ભડકમોરા સ્થિત એક હોલસેલરની દુકાનમાં બિલ-ચલણ વગરનો ગેરકાયદેસરનો ગુટખા અને પાન-મસાલાનો જથ્થો પોલીસે ઝડપી પાડીને વેપારીને અટકાયત કરી કાયદેસરની કાર્યવાહી કરી હતી.
વાપી ભડકમોરામાં કાર્યરત શક્તિ એન્ટરપ્રાઈઝ નામની દુકાનમાં એ.એસ.પી. વલસાડના સુચના આધારે પોલીસે રેડ કરી હતી. દુકાનમાંથી વિમલ પાન-મલાસાના 53 થેલા 10600 નંગ પાઉચ, તથા તમાકુના 17 થેલા 9800 પાઉચનો જથ્થો પોલીસને મળી આવ્યો હતો. આ અંગે પોલીસે માલ પેટેના બીલ-ચલન માંગેલા તે વેપારી ભરતભાઈ માલી રજૂ કરી શકેલ નહીં. તેથી પોલીસે રૂા.68325 નો મુદ્દામાલ જપ્ત કરીને 41/1 ડી હેઠળ ભરતભાઈ માલીની અટકાયત કરી આગળની કાર્યવાહી હાથ ધરી હતી.