November 16, 2026
Vartman Pravah
Breaking Newsગુજરાતપારડી

પારડી સી.એચ.સી.ખાતે ઓક્‍સિજન પ્‍લાન્‍ટનો શુભારંભ : કોરોનાની ત્રીજી લહેરની અગમચેતી તૈયારી

(વર્તમાન પ્રવાહ ન્‍યુઝ નેટવર્ક)
પારડી, તા.17
પારડી સીએચસી ખાતે 25 જેટલા બેડોને એક સાથે ઓક્‍સિજન મળી રહે એવા ઓક્‍સિજન પ્‍લાન્‍ટનો શુભારંભ પારડીના ધારાસભ્‍ય અને ગુજરાતના નાણામંત્રી શ્રી કનુભાઈ દેસાઈના હસ્‍તે કરવામાં આવ્‍યો હતો .
આપણે સૌ જાણીએ જ છે કે કોરોનાની છેલ્લી બે લહેર દરમિયાન અનેક લોકોએ ઓક્‍સિજન વિના જીવ ગુમાવ્‍યા હતા અનેબહારથી ખૂબ મોંઘા ભાવે પણ ઓક્‍સિજન મેળવવા લોકો ઝઝૂમી રહ્યા હતા. ત્‍યારે હાલમાં ત્રીજી લહેરની શરૂઆત થઇ ચૂકી હોય ગુજરાત સરકાર કોઈપણ અનિચ્‍છનીય બનાવ નહીં બને અને ગઈ લહેરની જેમ કોઈને ઓક્‍સિજન વિના જાન ગુમાવ્‍યા નહીં પડે તેને ધ્‍યાનમાં લઇ દરેક તાલુકામાં ધારાસભ્‍યશ્રીના ફંડમાંથી ઓક્‍સિજન પ્‍લાન્‍ટ ની શરૂઆત કરી રહી છે.
એવી જ રીતે પારડી સી એચ સી સેન્‍ટર ખાતે 25 જેટલા લોકોને એક સાથે ઓક્‍સિજન મળી રહે એવા ઉમદા હેતુને લઈ આ પ્‍લાન્‍ટ લોકો માટે પારડીના ધારાસભ્‍ય અને ગુજરાત સરકારના કેન્‍દ્ર મંત્રી શ્રી કનુભાઈ દેસાઇના હસ્‍તે ખુલ્લો મુકવામાં આવ્‍યો હતો .ગઈકાલે સાંજે પધારેલ શ્રી કનુભાઈ દેસાઈનું સી.એચ.સી.ના મુખ્‍ય ડોક્‍ટર સિંઘ દ્વારા પુષ્‍પગુચ્‍છથી એમનું સન્‍માન કરવામાં આવ્‍યું હતું. ત્‍યારબાદ દિપ પ્રાગટય કરી સૌ મહેમાનોનું સ્‍વાગત કરવામાં આવ્‍યું હતું.
ધારાસભ્‍ય સાથે પધારેલ વલસાડ જિલ્લા ભાજપ મહામંત્રી શ્રી કમલેશભાઈ પટેલ પારડી શહેર ભાજપ પ્રમુખ શ્રી રાજેશભાઈ પટેલ, પારડી નગરપાલિકાના પ્રમુખ એવા શ્રી હસુભાઇ રાઠોડ તથા સરદાર ભિલાડવાળા બેંકના પૂર્વ ચેરમેન એવા શ્રી શરદભાઈ દેસાઈ અને શ્રી હર્ષદભાઈ દેસાઈ, જિલ્લા આરોગ્‍ય અધિકારી ડોકટર શ્રી અનિલ પટેલ, પ્રાંત અધિકારી, મામલતદાર આ તમામનુંસ્‍વાગત ડોક્‍ટર વિરેન્‍દ્ર ગરાઈ, ડોક્‍ટર સવિતાબેન, ડોક્‍ટર તરુણ રાઠોડ, ડોક્‍ટર મયુર પટેલ, ડોક્‍ટર અવની પટેલ, ડોક્‍ટર ધારા પટેલ વિગેરેઓના હસ્‍તે આ તમામ મહેમાનનોનું સ્‍વાગત કરવામાં આવ્‍યું હતું.
આ ઉપરાંત આ કાર્યક્રમમાં નગરના અગ્રણી એવા શ્રી રાજેશભાઈ રાણા, શ્રી કાંતિભાઈ પટેલ , શ્રી અરવિંદભાઈ સઘાડિયા, શ્રી નિલેશભાઈ ભંડારી, શ્રી સંજયભાઈ બારીયા, શ્રી ગોવિંદભાઈ પટેલ, શ્રી દેવેનભાઈ શાહ, પુષ્‍પાબેન પારડીવાળા, વનીતાબેન કટારીયા, શ્રી કેતનભાઈ પ્રજાપતિ વિગેરેઓ પણ આ કાર્યક્રમમાં હાજર રહ્યા હતા.આ કાર્યક્રમનું સફળ સંચાલન ગુજરાતી કલાકાર એવા શ્રી પ્રીતેશ ભરુચા દ્વારા કરવામાં આવ્‍યું હતું.

Related posts

સંઘપ્રદેશ દાનહ અને દમણ-દીવ પ્રદેશ કમિટીની નવનિયુક્‍ત ટીમનું દમણ જિલ્લા ભાજપે કરેલું સ્‍વાગત

vartmanpravah

શ્રી સમસ્‍ત ગુજરાતી બ્રહ્મ સમાજ દમણના પ્રમુખ તરીકે અપૂર્વ પાઠકની વરણી

vartmanpravah

ભારત સરકારના ફરજીયાત શિક્ષણના અધિનિયમ અંતર્ગત દમણમાં શૈક્ષણિક વર્ષ 2024-25માં 15 ખાનગી શાળાઓમાં 308 વિદ્યાર્થીઓ અને દીવમાં બે ખાનગી શાળામાં 13 વિદ્યાર્થીઓને પ્રવેશ અપાશે

vartmanpravah

ચોમેર પ્રતિભાનો પરચો બતાવનાર વાપીની વિશિષ્‍ઠ વ્‍યક્‍તિઓને આલેખતું મેગેઝીન ધ સિટી કાર્નિવલનો વિમોચન કાર્યક્રમ યોજાયો

vartmanpravah

ચૂંટણીની જાહેરાત બાદ વલસાડ જિલ્લા વહિવટી તંત્ર દ્વારા આદર્શ આચાર સંહિતાનો અમલ

vartmanpravah

દાનહ વન વિભાગ ‘વન્‍યજીવ સપ્તાહ’નું આયોજન કરશે

vartmanpravah

Leave a Comment