(વર્તમાન પ્રવાહ વાપી બ્યુરો) વાપી, તા.19
વાપી મેઈન ચાર રસ્તા પાસે આવેલગોવિંદા કોમ્પલેક્ષમાં બનાવટી એગ્રો કંપનીઓની દવાનું રેકેટ કંપનીની વિઝીલન્સ સ્કોર્વોડ ઝડપી પાડી 11.ર3 લાખના મુદ્દામાલ સાથે પોલીસે વેપારીની ધરપકડ કરી હતી.
પ્રાપ્ત વિગતો અનુસાર હાઈવે ચાર રસ્તા નજીક આવેલ ગોવિંદા કોમ્પલેક્ષમાં નવજયોત એગ્રો એન્ડ કેમીકલની દુકાન નવલકિશોર સંપતરાય દુબે ચલાવી રહેલ છે. બાયર, યુપીએલ જેવી પ્રખ્યાત કંપનીની દવાઓનું ડુપ્લીકેશન દુકાનમાં ચાલતુ હતું. તેવી માહિતી કંપનીની વિઝીલન્સને મળતા તેમની ટીમ ગોવિંદા કોમ્પલેક્ષમાં ત્રાટકી હતી. કારમાં રાખેલ જથ્થો અને દુકાનમાં રાખેલ જથ્થો મળીને વિઝીલન્સને 11.ર3 લાખનો મુદ્દામાલ જપ્ત કરી, પોલીસમાં દુકાન માલિક નવલકિશોર દુબે વિરુદ્ધ ફરિયાદ કરતા પોલીસે ધરપકડ કરી કાયદેસરની કાર્યવાહી કરી હતી.
