દરવાજો બંધ કરી ઘર માલિક બેન કપડા ધોઈ રહ્યા હતા, ત્યારે મહિલાઓ ચોરી કરી પલાયન : ઘટના સીસીટીવી કેમેરામાં કેદ
(વર્તમાન પ્રવાહ વાપી બ્યુરો) વાપી, તા.19
વલસાડના પાવર હાઉસ પાસે આજે ધોળા દિવસે ચોરીની ઘટના ઘટી હતી. ચાર નાનાબાળકોને લઈ છ જેટલી મહિલાઓ મહોલ્લામાં ભીખ માંગવા આવી હતી. બંધ મકાનમાં મહિલાઓ સિફતથી ઘૂસીને કબાટ તોડી અંદર રહેલા ત્રણ લાખના ઘરેણા ચોરી ફરાર થઈ ગઈ હતી.
વલસાડ પાવર હાઉસ વિસ્તારમાં રહેતા રાજુભાઈ ઈશ્વરભાઈ નાયકાના મકાનમાં સવારે 11 વાગ્યે તેમના બે કપડા ધોવા મકાન બંધ કરી સામી બાજુએ બેઠા હતા. ત્યારે છ જેટલી મહિલાઓ ચાર નાના બાળકો સાથે ત્યાં આવી હતી. બંધ ઘરમાં ઘુસી તિજોરી તોડી અંદર રહેલા ત્રણ લાખના ઘરેણાં ચોરીને આબાદ રીતે ઘરની બહાર નિકળી હતી. તે દરમિયાન રાજુભાઈ ઉપરથી નીચે આવીને મહિલાઓને હાંકી કાઢી હતી. પરંતુ ખુલ્લા ઘરમાં જઈને જોયુ તો કબાટ તુટેલું હતુ અને ઘરેણા ચોરાઈ ગયા હતા.
પાલિકાના ઉપ પ્રમુખ શ્રી કિરણભાઈને રાજુભાઈએ જાણ કરી રાજુભાઈ ઘટના સ્થળે આવીને સીસીટીવી ફૂટેજ તપસ્યા તો ઘટના કેદ થઈ હતી. ફૂટેજ લઈને તેઓએ સી.ટી.પોલીસમાં રાજુભાઈ સાથે ફરિયાદ નોંધાવી હતી.
