મજુરી કામે આવેલ વાંસદાનો પરિવાર રાત્રે સૂતો હતો બાદમાં પથારીમાં સૂતેલી બાળકી બે વાગ્યા પછી ગુમ થઈ હતી
(વર્તમાન પ્રવાહ વાપી બ્યુરો) વાપી, તા.10
સંઘપ્રદેશ દમણના કચીગામમાં આવેલ ગાર્ડનમાં આજે ગુરૂવારે બપોરે અઢી વર્ષિય બાળકીની લાશ મળી આવતા ચકચાર મચી જવા પામી હતી.
પ્રાપ્ત વિગતો અનુસાર સંઘપ્રદેશ દમણમાં આવેલ કચીગામ ગાર્ડનમાં આજે બપોરે શંકાસ્પદ હાલતમાં અઢી વર્ષની બાળકીની લાશ મળી આવી હતી. આ બાળકી વાંસદાથી મજુરી કામે આવેલ પરિવારની હતી. એમાં બન્યુ એવુ હતું કે, બુધવારે રાત્રે પરિવાર બંગલામાં ચાલતુ સિવિલ કામકાજ પતાવીને સૂઈ ગયો હતો. રાત્રે બે વાગ્યાના સુમારે બાળકીનો પિતા શૌચ કરવા માટે ઉઠયો ત્યારે બાળકી પથારીમાંથી ગુમ થયેલી જોવા મળતા હેતબાઈ ગયો હતો. તુરત પિતાએ રાત્રે પેટ્રોલીંગ કરતી દમણ પોલીસને જાણ કરી હતી. પોલીસે ઘટનાની ગંભીરતાની નોંધ લઈ ઝીણવટભરી તપાસ આરંભી દીધી હતી તે દરમિયાન આજે ગુરૂવારે બપોરે બાળકીની લાશ કચીગામના ગાર્ડનમાંથી મળી આી હતી. પિતાને આશંકા છે કે બાળકીનું કોઈએ અપહરણ કરી મારી નાખી છે. ઘટના અંગેપોલીસે વધુ આગળની તપાસ આરંભી દીધી છે.
