ટ્રક ચાલક આરોપી શશીકાંત શિવશંકરની અટકઃ એક વોન્ટેડ
(વર્તમાન પ્રવાહ વાપી બ્યુરો) વાપી, તા.રર
વાપી બલીઠા ચેકપોસ્ટ પાસેથી ટાઉન પોલીસ રૂા. ર.રપ લાખનો દારૂનો જથ્થો ભરી સુરત જઈ રહેલી ટ્રક ઝડપી પાડી કાયદેસરની કાર્યવાહી કરી હતી.
પ્રાપ્ત વિગતો મુજબ ટાઉન પોલીસને મળેલી બાતમી મુજબ ગતરોજ બલીઠા ચેકપોસ્ટ ઉપર વાહન ચેકીંગ હાથ ધર્યુ હતું. તે દરમિયાન દમણ તરફથી આવી રહેલી ટ્રક નં.જીજે-1પ-એટી-0831ને અટકાવી પોલીસે ચેકીગ કરી હતી. ટ્રકમાં ઓલ્ડ ટાઈપ ઓફ વેફર એન્ડ ચીપ્સના બોક્ષોમાં દારૂનો જથ્થો મળી આવ્યો હતો. બોટલ નં.4572 કિ.ર.રપ લાખનો મુદ્દામાલ જપ્ત કરી પોલીસે ટ્રક ચાલક શશીકાંત શિવશંકરસિંગની અટક કરી પૂછપરછ કરતા તેણે જણાવ્યું હતું કે જથ્થો સુરત પહોંચાડવાનો હતો. પોલીસે ગુનો નોંધી જથ્થો ભરાવનારને વોન્ટેડ જાહેર કર્યો હતો.
