પારડી પોલીસ સ્ટાફને મળેલી બાતમીના આધારે આરોપી ઝડપાયાઃ વાહનો સાથે 1.76 લાખનો મુદ્દામાલ જપ્ત
(વર્તમાન પ્રવાહ વાપી બ્યુરો) વાપી, તા.22
વલસાડ જિલ્લાના પારડી, વાપી, જીઆઈડીસી, ડુંગરા પોલીસ મથકોમાં ઘરફોડ, વાહનચોરીના નોંધાયેલા સાત ગુનાના નાસતા ફરતા બે ચોર આરોપીઓને પારડી અને એસ.ઓ.જી. પોલીસે સંયુક્ત ઓપરેશન હાથ ધરી ઝડપી પાડી રૂા.1.76 લાખનો મુદ્દામાલ જપ્ત કરી કાયદેસરની કાર્યવાહી કરી હતી.
પ્રાપ્ત વિગતો પોલીસ સુત્રો મુજબ એસ.ઓ.જી. સ્ટાફ અને પારડી પોલીસના સીસીટીવી ફૂટેજ આધારે પોલીસે બે રીઢા ચોર આરોપીને ઝડપી પાડવાની સફળતા મેળવી છે. ઝડપાયેલા આરોપી શીવમ કુંદનકુર્મી પટેલ(ઉ.ર0) હાલ રહે. છીરી રામનગર કુંદરભાઈની ચાલ મૂળ રહે. પ્રતાપનગર જિલ્લો યુ.પી. તથા રમેશ ઉર્ફે સોની જબ્બાર પ્રજાપતી રહે છીરી રામનગર વાપી મૂળ રહે. યુ.પી. પાસેથી પોલીસે રીક્ષા, પેપરબેગ, મશીન, ચાર ટુવ્હીલર અને બે નંગ મોબાઈલ મળી કુલ રૂા.1.76 લાખનો મુદ્દામાલ મેળવી કાયદેસરની ધરપકડ કરી હતી.
આરોપીઓ રીઢા ચોર-ગુનેગાર છે. અગાઉ તેઓ વાપી ટાઉન, ડુંગરા, જીઆઈડીસી પોલીસસ્ટેશનમાં 1પ જેટલા ગુના નોંધાયા છે. સમગ્ર કાર્યવાહી એસ.ઓ.જી. સ્ટાફ અને પારડી પોલીસે સી.સી.ટી.વી. ફૂટેજ અને ફિલ્ડ વર્ક ગુના શોધી મોટી સફળતા મેળવી છે.