(વર્તમાનપ્રવાહ ન્યુઝ નેટવર્ક)
સેલવાસ, તા.18 : સેલવાસ ખાતેની જૂની કલેક્ટર કચેરી પરિસરમાં છેલ્લા કેટલાક દિવસોથી દારૂ, બિયર સહિતના નશાખોરોનો જમાવડો થતો હોવાનું નજરે પડી રહ્યું છે.
પ્રાપ્ત માહિતી પ્રમાણે સેલવાસની જૂની કલેક્ટર કચેરી હવે ‘‘હેરીટેજ સાઈટ” તરીકે અનામત રાખવામાં આવેલ છે અને એમાં જે કચેરીઓ ચાલતી હતી તે તમામને નવી કલેક્ટર કચેરીમાં ખસેડવામાં આવી છે.
અહીં હાલમાં ફક્ત આધારકાર્ડ માટેની કામગીરી ચાલે છે, તે સિવાયના બીજી તરફ ખાલી હોવાના કારણે અહીં ટોયલેટ-બાથરૂમની ઉત્તમ વ્યવસ્થાને હોવાથી અહીં દારૂ-બિયર સહિતના નશાબાજ પિધ્ધડો દિવસભર સંડાસ-મૂતરડીમાં આવતા-જતા રહે છે, અને બગાડ પણ કરી જાય છે, ક્યાંક ક્યાંક તો વધુ દારૂ ઢિંચેલો હોવાથી લથડિયાં ખાતા નીચે પડી જઈ આમતેમ આડા પડી રહેતા હોય છે અને અન્ય લોકોને અગવડતા ઉભી કરી રહ્યા છે. તેથી જો આ કચેરીમાં મ્યુઝિયમ કે પછી લાઈબ્રેરી ચાલુ કરવામાં આવે તો અહીં વધુ પ્રમાણમાં નેક લોકોની અવર-જવર પણ ચાલુ રહેશે અને આવા અસામાજિક તત્ત્વોની શાન પણ ઠેકાણે પડશે. આ બાબતે પ્રશાસન દ્વારા યોગ્ય કાર્યવાહીમાં કરવામાં આવે એ સમયની માંગ છે.
