દીવ ખાતે મહાકાલેશ્વર સોસાયટી ફિશરીઝ સોસાયટીને પડી રહેલી તકલીફથી મંત્રીને માહિતગાર કરાયા
(વર્તમાન પ્રવાહ ન્યુઝ નેટવર્ક) દમણ,તા.31
દમણ-દીવના સાંસદ શ્રી લાલુભાઈ પટેલે આજે કેન્દ્રીય ફિશરીઝ એનિમલ હસ્બન્ડરી અને ડેરી મંત્રી શ્રી પુરુષોત્તમભાઈ રૂપાલા સાથે મુલાકાત કરી મચ્છીમારી બોટો માટે સબસીડીના દર ઉપર ડિઝલ પુરવઠો આપવા રજૂઆત કરી છે.
સાંસદ શ્રી લાલુભાઈ પટેલે પોતાના પત્રમાં જણાવ્યું છે કે દીવ ખાતે મહાકાલેશ્વર સોસાયટીનું ગઠન, દીવની મચ્છીમારી બોટ માટે ડિઝલ ખરીદવા માટેકરાયેલું છે. દરરોજ સોસાયટી દ્વારા 1 લાખ 45 હજાર લિટર ડિઝલની ખરીદી કરવામાં આવે છે. સોસાયટીને ડિઝલ રૂા. 19600 પ્રતિ 200 લિટરના બેરલદીઠ ચૂકવવા પડે છે. જ્યારે ઓપન માર્કેટના પેટ્રોલપંપ ઉપર આટલા જ જથ્થાનો ભાવ રૂા. 18455 છે તેથી સોસાયટીને પણ સબસીડી દર ઉપર ડિઝલનો જથ્થો મળી રહે તેવી વ્યવસ્થા કરાવવા સાંસદ શ્રી લાલુભાઈ પટેલે અરજ કરી છે.