(વર્તમાન પ્રવાહ ન્યુઝ નેટવર્ક) સેલવાસ, તા.05
સેલવાસ સ્માર્ટ સીટીને મળેલો એવોર્ડ તપસ્યા રાઘવ અને ચાર્મી પારેખે પ્રશાસક શ્રી પ્રફુલભાઈ પટેલને સુપ્રત કર્યો છે.
પ્રાપ્ત માહિતી અનુસાર દાદરા નગર હવેલી અને દમણ-દીવ અને લક્ષદ્વીપના કેન્દ્રશાસિત પ્રદેશના પ્રશાસક શ્રી પ્રફુલભાઈ પટેલે સેલવાસ સ્માર્ટ સીટીના ચેરપર્સન ડો. તપસ્યા રાઘવ અને સેલવાસ સ્માર્ટ સિટી લિમીટેડના મુખ્ય કાર્યકારી અધિકારી ચાર્મી પારેખે સચિવાલય ખાતે મુલાકાત કરી હતી. મુલાકાત દરમિયાન તપસ્યા રાઘવ અને ચાર્મી પારેખે હાલમાં સચિવાલય સ્માર્ટ સિટીને મળેલા સ્માર્ટ અર્બન મોબિલીટી એવોર્ડ પ્રશાસક પ્રફુલભાઈ પટેલને અર્પણ કર્યો હતો.
