ધારાસભ્ય અનંત પટેલની જાહેરાત ગામમાં પાવર સ્ટેશન બનવા નહી દઈશું : તા. ર8મીએ પારડી મામલતદાર કચેરી ઘેરીશુ
(વર્તમાન પ્રવાહ વાપી બ્યુરો) વાપી, તા.17
વાંસદાના ધારાસભ્ય અનંત પટેલે આજે પારડીના ગોયમા ગામે ધામા નાંખ્યા હતા. ગામમાં સભા યોજીને ગોયમામાં આવનારા સૂચિત પાવર સ્ટેશનનો સખ્ત વિરોધ કરવા ગ્રામજનોને હાકલ કરી હતી.
પાવર સ્ટેશન વિજળીની વ્યવસ્થા સંચાલન કરવા હેતુ સરકાર દ્વારા અગામી સમયે ગોઇમામાં પાવર સ્ટેશન બનાવવાનો નિર્ણય લીધો છે. સરકારના તમામ નિર્ણયો માટે વાંસદાના ધારાસભ્યને તુરંત વાકુ પડી જાય છે. વિકાસના કામો અંગે પણ પ્રજાને ખાસ કરીને આદિવાસીઓને ગુમરાહ કરવાની કહેવાતી પ્રવૃતિઓની કુદી પડેલ છે. રાજકારણમાં લાઈમલાઈટમાં રહેવા માટે તાપી, નર્મદા, પાર રીવર્સ લીંક પોજેક્ટરના આંદોલન બાદ હવે ગોઈમામાં સાકાર થનાર પાવર સ્ટેશનનો તેઓએ આજે જોરશોરથી વિરોધ કરીને જાહેરાત કરી હતી કે અમો ગોયમા પાવર સ્ટેશન બનવા લઈશું નહી. તે માટે તા. ર9 એપ્રિલે પારડી મામલતદાર કચેરીનો ઘેરો કરીશું. અનંત પટેલની જાહેરાત બાદ રાજકારણ ગરમાઈ ગયું છે.
