34 તરવૈયાઓ સાથેની ટીમ ગુરૂવારે નિચાણવાળા ભાગોની મુલાકાત લેશે
(વર્તમાન પ્રવાહ વાપી બ્યુરો)
વાપી, તા.06: વલસાડ જિલ્લા સહિત દક્ષિણ ગુજરાતમાં 7 જુલાઈથી 10 જુલાઈ સુધીમાં ભારે વરસાદની આગાહી હવામાન ખાતાએ કરી છે. તેથી જિલ્લા વહીવટીતંત્ર અને ડિઝાસ્ટર મેનેજમેન્ટ વિભાગ એક્ટિ કરી દેવાયો છે. આજે વલસાડમાં એન.ડી.આર.એફ.ની ટીમ વલસાડ આવી પહોંચી હતી.
વલસાડ જિલ્લામાં આગામી ત્રણ દિવસ ભારે વરસાદની આગાહીને પગલે જિલ્લા વહીવટી તંત્રએ તમામ તૈયારીઓ કરી લીધી છે. એન.ડી.આર.એફ.ની ટીમ વલસાડ આવી ચુકી છે. 33 તરવૈયાઓ સાથેની ટીમે આજે તિથલ દરિયા કિનારાની મુલાકાત લીધી હતી. આવતીકાલે ગુરૂવારે નિચાણવાળા વિસ્તારોની મુલાકાત લેશે. બીજી તરફ તમામ ઉચ્ચ અધિકારીઓને હેડ ક્વાટર્સ નહીં છોડવાની ખાસ તાકીદ કરવામાં આવી છે. અતિવૃષ્ટિમાં પુર જેવી સ્થિતિ નિર્માણ પામે એ પહેલા સલામતી અને સાવચેતી પગલા તમામ મોરચેથી ભરવામાં આવી ચુક્યા છે. હવામાન વિભાગે નવસારી, વલસાડ, ડાંગ અને સંઘપ્રદેશ વિસ્તારોમાં 7 જુલાઈથી 10 જુલાઈ સુધી ભારે વરસાદની આગાહી કરી છે.
