(વર્તમાન પ્રવાહ ન્યુઝ નેટવર્ક) દમણ/સેલવાસ, તા.21
દમણ અને દાદરા નગર હવેલીમાં વહેલી સવારે અચાનક વાતાવરણમાં પલટો આવ્યો હતો. વાદળિયાવાતાવરણ વચ્ચે પ્રદેશના કેટલાક વિસ્તારોમાં કમોસમી વરસાદ પડયો હતો. જેના કારણે વાતાવરણ ઠંડુગાર બની ગયુ હતુ. આ કમોસમી વરસાદને કારણે ખેડૂતોમા ચિંતાનો માહોલ જોવા મળ્યો છે.
કારણ કે હાલમાં આંબાના ઝાડ પર કેરીઓ છે જે આ કમોસમી વરસાદને કારણે નુકસાન થવાની ભીતિ છે. સાથે સાથે શાકભાજીના પાકને પણ નુકસાન થઈ શકે એમ છે જેથી ખેડૂતોમાં ચિંતાનો માહોલ જોવા મળ્યો છે. હવામાન વિભાગ દ્વારા હજી બે દિવસ વરસાદ પડવાની આગાહી હોવાને કારણે લોકોમાં પણ ચિંતાનો માહોલ જોવા મળ્યો છે.
