(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.16: ચીખલી તાલુકા આરોગ્ય કચેરીના કેમ્પસમાં વલસાડ જિલ્લા પંચાયતના કર્મચારીઓની ધિરાણ અને ગ્રાહક સહકારી મંડળીના ચીખલી, ખેરગામ, વાંસદા વિભાગના વ્યવસ્થાપક કમિટીના સભ્ય પદ માટે મતદાન યોજાતા ત્રણેયતાલુકાના 320 પૈકી 262 જેટલા કર્મચારીઓએ તેમના મતાધિકારનો ઉપયોગ કર્યો હતો. મતદાન બાદ મતગણતરી હાથ ધરાતા ત્રણ ઉમેદવારો પૈકી વાંસદા વિસ્તારના વાસુભાઈ ગામીતને 56 ચીખલીના નાનુભાઈ ને સાત અને ઘેજના તેજસ સતિષભાઈ પટેલ 199 જેટલા મતો મળતા 143 મતે ભવ્ય વિજય થયો હતો. જોકે તેજસ પટેલને ચીખલીના ઉમેદવાર નાનુભાઈએ ટેકો જાહેર કર્યો હતો. જેથી તેમની સીધી ટક્કર વાંસદાના ઉમેદવાર સાથે હતી.
વ્યવસ્થાપક કમિટીના સભ્ય પદે વિજેતા થયેલ તેજસભાઈ ઘેજના આરોગ્ય કર્મચારી હોવા સાથે તેઓ નવસારી જિલ્લા આરોગ્ય કર્મચારી મંડળના મહામંત્રી તરીકે પણ કાર્યરત છે. તેમને જિલ્લાના પ્રમુખ યોગેશભાઈ વલસાડ જિલ્લા આરોગ્ય કર્મચારી મંડળના પ્રમુખ કેતનભાઈ ઘેજના તાલુકા પંચાયતના સભ્ય ધર્મેશભાઈ પૂર્વ સરપંચ વિનોદભાઈ ઉપરાંત વલસાડના કર્મચારી આગેવાનો વીરેન દેસાઈ, હિતાક્ષુ પટેલ ઘેજ, પિંકેશ પટેલ, ઉમાકાંત પટેલ સહિતનાઓએ અભિનંદન પાઠવ્યા હતા. તેજસ પટેલના વિજયથી તેમના સાથી કર્મચારીઓમાં આનંદની લાગણી છવાઈ હતી.