(વર્તમાન પ્રવાહ ન્યુઝ નેટવર્ક) સરીગામ, તા.02
ઉમરગામ નવી જીઆઇડીસીમાં મસાલા બનાવતી કંપની નજીકના ખુલ્લા મેદાનમાં પાર્ક કરેલા વાહનોમાંથીપાન મસાલા ગુટકાના જથ્થા સહિત એક ટ્રક અને બે આઇસર ટેમ્પા મળી રૂપિયા એક કરોડનો મુદ્દામાલ ઝડપી પાડવામાં પોલીસ તંત્રને સફળતા મળી છે.
પોલીસ સૂત્રો પાસેથી મળતી માહિતી મુજબ મળેલ બાતમીના આધારે ઉમરગામ નવી જીઆઇડીસીમાં મસાલા બનાવતી કંપની નજીકના ખુલ્લા મેદાનમાં પાર્ક કરેલ વાહનોમા તપાસ હાથ ધરી હતી. જ્યાં ટ્રક નંબર યુપી-78 ટીસી-1031માંથી આઇસર ટેમ્પો નંબર જીજે 15-એવી-3995 મા ગુટખાનો જથ્થો ભરવામાં આવી રહ્યો હતો. જે સ્થળે વાહનોમાં કામ કરી રહેલા મજદુર અને વાહન ચાલકની પૂછપરછ કરતા ગુટકાના કાગળો રજૂ કરવામાં નિષ્ફળ ગયા હતા અને વધુ પૂછપરછ કરતાં એક ગાડી ગુટકાના જથ્થા ભરી રવાના કરી હોવાનું જાણવા મળ્યું હતું. જેથી ઉમરગામ પોલીસે ગાંધીવાડી ખાતે વોચ ગોઠવી હતી અને પાન મસાલા ગુટકાનો જથ્થો ભરી રવાના થયેલ ટેમ્પો નંબર એમ એચ 04-એચવાય-0937ને આંતરી હતી અને પૂછપરછ કરતા ગેરકાયદેસર ગુટખાનો જથ્થો રવાના થયો હોવાનું બહાર આવતા પોલીસ તંત્રએ ગાડીને કબજે કરી હતી.
આ ઘટનામાં સંકળાયેલા ત્રણ વાહનચાલક 1. કુલદીપ શ્રીમહાવીર અગ્નિહોત્રી રહે કાનપુર યુપી 2. સંજય દશરથ જાદવ રહે થાના મહારાષ્ટ્ર 3. રામસિંગ રામરાજ ચૌહાણ રહે વાપી અને ગુટખાનો જથ્થોભરવાનુ કામ કરનાર 4. ચંદ્રેશ બંસતલાલ યાદવ સહિત ચાર ઈસમની પોલીસ તંત્રએ ધરપકડ કરી આગળની કાર્યવાહી હાથ ધરી છે
