સંઘપ્રદેશના ડીઆઈજીપી વિક્રમજીત સિંઘ અને દાનહના એસપી હરેશ્વર સ્વામીના નેતૃત્વમાં દાનહ અને દમણ-દીવ પોલીસ ટીમના ખેલાડીઓએ પ્રશાસકશ્રીની લીધેલી શુભેચ્છા મુલાકાત
(વર્તમાન પ્રવાહ ન્યુઝ નેટવર્ક) દમણ, તા.10
દિલ્હી ખાતે આયોજીત સીપી દિલ્હી કપ ટી-ર0 ક્રિકેટ ટૂર્નામેન્ટમાં રનર્સ અપ રહેલી સંઘપ્રદેશ દાદરા નગર હવેલી અને દમણ-દીવ પોલીસની ટીમે આજે ડીઆઈજીપી વિક્રમજીત સિંહ અને ટીમના કેપ્ટન શ્રી હરેશ્વર સ્વામીના નેતૃત્વમાં સંઘપ્રદેશ દાદરા નગર હવેલી તથા દમણ-દીવના પ્રશાસક શ્રી પ્રફુલભાઈ પટેલની શુભેચ્છા મુલાકાત લઈ પ્રશાસક શ્રી પ્રફુલભાઈ પટેલને ટ્રોફી સોપી હતી. આ દરમિાયન સંઘપ્રદેશના પ્રશાસક શ્રી પ્રફુલભાઇ પટેલ સી.પી.દિલ્લી કપ ટી-ર0 ક્રિકેટ ટૂર્નામેન્ટની ઉપ વિજેતા બનેલી ટીમને અભિનંદન પાઠવ્યા હતા.
દિલ્હીમાં 19 એપ્રિલના રોજ સીપી દિલ્હી કપ ટી-ર0 ક્રિકેટ ટૂર્નામેન્ટનું આયોજન કરવામાંઆવ્યું હતું.
આ ટુર્નામેન્ટમાં યજમાન દિલ્હી પોલીસ ઉપરાંત ન્યાયતંત્ર, ગળહ મંત્રાલય, સીબીઆઈ, આઈબી, એનસીઆરબી, એસએસબી, જીએનસીટીડી, સીઆરપીએફ, સીઆઈએસએફ, સીઆઈએસએફ, બીએસએફ, આઈટીબીપી અને દાનહ અને દમણ-દીવ પોલીસની ટીમોએ ભાગ લીધો હતો.
દાનહ અને દમણ-દીવ પોલીસના કેપ્ટન શ્રી હરેશ્વર સ્વામીની કુશળ કેપ્ટનશીપ અને ખેલાડીઓના ઉત્કળષ્ટ પ્રદર્શનને કારણે જ સંઘપ્રદેશની ટીમ ફાઈનલ સુધી પહોંચી હતી. જો કે દિલ્હી પોલીસની ટીમે ફાઈનલ મેચમાં દાનહ અને દમણ-દીવ પોલીસને 7 વિકેટે હરાવી હતી, પરંતુ પ્રથમ વખત યોજાયેલી આ ટૂર્નામેન્ટમાં ટચૂકડા સંઘપ્રદેશની ટીમે સમગ્ર ટુર્નામેન્ટમાં પોતના ઉત્કૃષ્ટ પ્રદર્શનથી રાષ્ટ્રીય સ્તરે પ્રદેશનું નામ રોશન કર્યું હતું.